ເດັກນ້ອຍເຮັດວຽກໜັກຢູ່ Ouagadougou, Burkina Faso.
(ພາບ: AFP/TTXVN)
(vovworld) – ໃນລະຫວ່າງວັນທີ 1 – 13/6, ອົງການແຮງງານສາກົນ (ILO) ໄດ້ຈັດຕັ້ງກອງປະຊຸມແຮງງານສາກົນ (ILC) ຄັ້ງທີ 105 ເພື່ອປຶກສາຫາລືກ່ຽວກັບບັນດາບັນຫາຫລັກແຫຼ່ງຂອງຄົນງານ, ໃນນັ້ນມີການຫລຸດຜ່ອນຂອງການເຄື່ອນໄຫວແຮງງານໃນບັນຫາສະໜອງແຮງງານໄປທົ່ວໂລກ, ຄົນງານເຮັດວຽກບົນທະເລ ແລະ ບັນດາສິດພື້ນຖານຂອງຄົນງານ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຟ້າມມີງຮວນ ຢັ້ງຢືນວ່າ: ຫວຽດນາມ ສະໜັບສະໜູນຂໍ້ລິເລີ່ມກ່ຽວກັບ “ການຢຸດຕິໄພທຸກຍາກອຶດຫິວ - ILO ແລະ ໂຄງການດຳເນີນງານ 2030” ກໍ່ຄືບັນດາຂໍ້ລິເລີ່ມສະຫັດສະວັດກະກຽມສະເຫຼີມສະຫຼອງ 100 ປີແຫ່ງວັນສ້າງຕັ້ງ ILO. ຫວຽດນາມ ຕີລາຄາສູງເລື່ອງກອງປະຊຸມໄດ້ສະຫງວນເວລາເພື່ອປືກສາຫາລືເນື້ອໃນວຽກເຮັດງານທຳແບບຍືນຍົງໃນບັນຫາສະໜອງແຮງງານໄປທົ່ວໂລກ.
ເຂົ້າຮ່ວມກອງປະຊຸມ, ບັນດາຜູ້ຕາງໜ້າ ຫວຽດນາມ ກໍ່ມີການພົບປະ 2 ຝ່າຍຄັ້ງຕ່າງໆເພື່ອແນໃສ່ຫັນບັນດາຂໍ້ຕົກລົງທີ່ໄດ້ຮັບການລົງນາມລະຫວ່າງ ຫວຽດນາມ ກັບບັນດາຄູ່ຮ່ວມມືເປັນລະອຽດ.
ກອງປະຊຸມແຮງງານສາກົນແມ່ນກົນໄກຍົກອອກຂໍ້ຕົກລົງສູງສຸດຂອງ ILO. ນີ້ແມ່ນກອງປະຊຸມໄດ້ຮັບການຈັດຕັ້ງປະຈຳປີດ້ວຍການເຂົ້າຮ່ວມຂອງບັນດາຜູ້ຕາງໜ້າ 3 ຝ່າຍລວມມີ: ລັດຖະບານ, ບັນດາອົງການຂອງຄົນງານ ແລະ ຜູ້ນຳໃຊ້ຄົນງານທີ່ມາຈາກ 186 ປະເທດສະມາຊິກ ILO.