(VOVWORLD) -ໃນວັນທີ 21 ທັນວາ ສອງລັດຖະບານ ຫວຽດນາມ-ອົດສະຕາລີ ໄດ້ປະກາດຍຸດທະສາດເພີ່ມທະວີການເຊື່ອມຕໍ່ດ້ານເສດຖະກິດພ້ອມກັບແຜນການເພື່ອຊຸກຍູ້ການພົວພັນທາງດ້ານການຄ້າ ແລະ ການລົງທຶນ ລະຫວ່າງສອງປະເທດ ໃນໄລຍະ ປີ 2021-2025.
 ພາບປະກອບ: VGP |
ຍຸດທະສາດໄດ້ສຸມໃສ່ຂົງເຂດທີ່ສຳຄັນມີ ການຕະຫຼາດໃໝ່ຫຼາຍຢ່າງເພື່ອໜູນຊ່ວຍພື້ນຖານເສດຖະກິດສອງປະເທດ ຫວຽດນາມ-ອົດສະຕາລີ ຟື້ນຟູໃນໂລກລະບາດ ໂຄວິດ-19 ແລະ ພັດທະນາກວມລວມ, ໝັ້ນຄົງດ້ວຍຄວາມສາມາດຮັບມືຢ່າງສູງກັບຜົນກະທົບພາຍນອກ.
ລວມມີ: ການສຶກສາ-ກໍ່ສ້າງ, ພະລັງງານ ແລະ ຊັບພະຍາກອນ, ກະສິກຳ ແລະປ່າໄມ້, ອຸດສາຫະກຳ ບໍລິການ, ທ່ອງທ່ຽວ, ວິທະຍາສາດ-ເຕັກໂນໂລຊີ ແລະ ປ່ຽນແປງໃໝ່ປະດິດສ້າງ, ເສດຖະກິດດີຈິີຕອນ.
ຍຸດທະສາດໄດ້ເນັ້ນໜັກເຖິງຄວາມສຳສັນຂອງການປະຕິບັດຕາມ ແລະ ປັບປຸງລະບົບການຄ້າທົ່ວໂລກ ອີງຕາມທຳນຽມສາກົນ, ເປັນພື້ນຖານເພື່ອຍູ້ແຮງການຄ້າເສລີ ແລະ ພ້ອມກັນຮ່ວມມືແກ້ໄຂກັບບັນດາສີ່ງທ້າທາຍລວມ.
ເລື່ອງປະຕິບັດສຳເລັດແຜນການຮ່ວມມື ໃນໄລຍະ ປີ 2021-2025 ແລະ ຍຸດທະສາດເພີ່ມທະວີ ການເຊື່ອມຕໍ່ດ້ານເສດຖະກິດໃນໄລຍະຍາວຈະເປັນປະຖົມປັດໄຈໃຫ້ແກ່ການພັດທະນາການພົວພັນລະຫວ່າງສອງປະເທດ ຫວຽດນາມ ແລະ ອົດສະຕາລີ ໃນທຸກດ້ານຢ່າງເລີກເຊີ່ງຈາກນັ້ນຍົກສູງຖານະດ້ານເສດຖະກິດ, ການເມືອງ ຂອງສອງປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ວັດທະນາຖາວອນຂອງພາກພື້ນ ອາຊີ-ປາຊີຟີກ.