(vovworld)- ກອງປະຊຸມປະຈຳປີຂັ້ນລັດຖະມົນຕີຂອງສະພາເສດຖະກິດ-ສັງຄົມ ສະຫະປະຊາຊາດ(ECOSOC) ແລະ ເວທີປາໄສສົນທະນາຂັ້ນສູງກ່ຽວກັບການພັດທະນາແບບຍືນຍົງໄດ້ຖືກໄຂຂຶ້ນແຕ່ວັນທີ 7-11/7 ຢູ່ສຳນັກງານ ສະຫະປະຊາຊາດທີ່ນິວຢອກ, ອາເມລິກາ, ຄະນະຜູ້ແທນຫວຽດນາມໂດຍທ່ານຮອງລັດຖະມົນຕີກະຊວງແຜນການ ແລະ ລົງທຶນ ຫງວຽນເທ້ເຟືອງນຳໜ້າໄດ້ເຂົ້າຮ່ວມກອງປະຊຸມ.
ທີ່ກອງປະຊຸມ, ທ່ານຮອງລັດຖະມົນຕີກະຊວງແຜນການ ແລະ ລົງທຶນ ຫງວຽນເທ້ເຟືອງ ຫົວໜ້າຄະນະຜູ້ແທນຫວຽດນາມ ໄດ້ມີບົດກ່າວປາໄສທີ່ສຳຄັນ, ແບ່ງປັນບົດຮຽນປະຕິບັດບັນດາເປົ້າໝາຍພັດທະນາສະຫັດສະວັດຂອງຫວຽດນາມ, ປະກາດແຜນນະໂຍບາຍຂອງຫວຽດນາມໃນການພັດທະນາຮູບແບບການເຕີບໂຕຂຽວໂດຍມີການປະສານສົມທົບກັບການຮັບປະກັນຊີວິດສັງຄົມ ແລະ ປົກປັກຮັກສາສິ່ງແວດລ້ອມຕາມທິດພັດທະນາແບບຍືນຍົງ ແລະ ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ. ຫົວໜ້າຄະນະຜູ້ແທນຫວຽດນາມສະເໜີວ່າ ໃນວິວັດການສ້າງໂຄງການດຳເນີນງານເພື່ອພັດທະນາຫຼັງປີ 2015, ສະຫະປະຊາຊາດຄວນເອົາໃຈໃສ່ແກ້ໄຂບັນດາສິ່ງທ້າທາຍລວມຄືຮັບປະກັນສັນຕິພາບ, ສະຖຽນລະພາບ, ເພື່ອສ້າງປະຖົມປັດໃຈແກ່ການພັດທະນາ, ແກ້ໄຂບັນດາຜົນກະທົບທີ່ຫຍໍ້ທໍ້ຈາກການປ່ຽນແປງຂອງດິນຟ້າອາກາດ…. ທ່ານຮອງລັດຖະມົນຕີກະຊວງແຜນການ ແລະ ລົງທຶນ ຫງວຽນເທ້ເຟືອງ ຢືນຢັນຄືນຄຳໝັ້ນສັນຍາຂອງຫວຽດນາມທີ່ຍາມໃດກໍເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບຕໍ່ວິວັດທະນາການນີ້.