(ພາບປະກອບ)(vovworld) - ເວທີປາໄສເດັກນ້ອຍອາຊຽນຄັ້ງທີ 14 ຈະດຳເນີນໃນລະຫວ່າງວັນທີ 20-23/6, ຢູ່ ຮ່າໂນ້ຍ, ໂດຍມີການເຂົ້າຮ່ວມຂອງເດັກນ້ອຍ 35 ຄົນທີ່ມາຈາກ 8 ປະເທດໃນພາກພື້ນ ອາຊຽນ (ບໍ່ນັບ ບຣູໄນ), ທ່ານຮອງເລຂາທິການໃຫຍ່ອາຊຽນ, ຜູ້ຕາງໜ້າພິເສດຂອງທ່ານເລຂາທິການໃຫຍ່ ສະຫະປະຊາຊາດກ່ຽວກັບການໃຊ້ຄວາມຮຸນແຮງຕໍ່ເດັກນ້ອຍ, ຕາງໜ້າໃຫ້ບັນດາອົງການຈັດຕັ້ງສາກົນເຂົ້າຮ່ວມ. ດ້ວຍຫົວຂໍ້ວ່າ “ອາຊຽນໜຶ່ງ, ວິໄສທັດດຽວເພື່ອເດັກ“ ເວທີປາໄສປີນີ້ເພື່ອແນໃສ່ມຸ່ງໄປເຖິງປະຊາຄົມອາຊຽນທີ່ໃກ້ຊິດສະໜິດສະໜົມກັບເດັກນ້ອຍ, ເຊິ່ງແມ່ນແຫ່ງທີ່ເດັກນ້ອຍທຸກຄົນຈະໄດ້ແບ່ງປັນ ແລະຊົມໃຊ້ບັນດາຄຸນຄ່າລວມ, ປະກອບສ່ວນກໍ່ສ້າງປະຊາຄົມອາຊຽນ ທີ່ຖືມະນຸດເປັນໃຈກາງ ແລະ ມີຄວາມຮັບຜິດຊອບຕໍ່ສັງຄົມ. ທ່ານນາງ ເລກິມຢຸງ, ຫົວໜ້າກົມຮ່ວມມືກັບສາກົນ (ກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ), ໃຫ້ຮູ້ວ່າ:
“ຫວຽດນາມເຂົ້າຮ່ວມການຈັດຕັ້ງເວທີປາໄສນີ້, ກ່ອນອື່ນໝົດແມ່ນປະຕິບັດພັນທະຂອງປະເທດສະມາຊິກ, ສະແດງຄວາມຮັບຜິດຊອບ ແລະ ຄຳໝັ້ນສັນຍາຂອງພວກເຮົາ. ເວທີປາໄສແມ່ນກາລະໂອກາດທີ່ດີ ແລະ ພິເສດ, ໄດ້ຮັບການປະຕິບັດໃນເດືອນກະທຳເພື່ອເດັກຂອງ ຫວຽດນາມ. ດັ່ງນັ້ນ, ສຳລັບລະດັບຊາດມັນມີຄວາມສຳຄັນທີ່ສຸດໃນການຊຸກຍູ້, ຮັບເອົາຄວາມເຫັນຂອງເດັກ, ເພີ່ມທະວີການເຂົ້າຮ່ວມຂອງເດັກ. ສຳລັບພາກພື້ນ, ມັນເປັນການສະແດງຄຳໝັ້ນສັນຍາຂອງ ຫວຽດນາມໃນພາກພື້ນ ແລະ ຢືນຢັນທີ່ຕັ້ງຂອງພວກເຮົາໃນການຖືມະນຸດເປັນໃຈກາງ ແລະ ຊຸກຍູ້ສະພາບແວດລ້ອມທີ່ສະໜິດສະໜົມກັບເດັກ“.
ໃນ 4 ວັນດຳເນີນເວທີປາໄສ, ບັນດາເດັກນ້ອຍຈະປຶກສາຫາລືກ່ຽວກັບບັນດາບັນຫາທີ່ພວມໄດ້ຮັບຄວາມສົນໃຈໃນປະຈຸບັນຄື: ຕ້ານການຄ້າເດັກນ້ອຍໃນອາຊຽນ, ຕ້ານການໃຊ້ຄວາມຮຸນແຮງສຳລັບເດັກ ແລະ ເດັກນ້ອຍອາຊຽນກັບການປ່ຽນແປງຂອງດິນຟ້າອາກາດ.