ກອງປະຊຸມທີ່ທຳນຽບຂາວ
(ພາບ: canhtranhquocgia.vn)
(vovworld) – ຕອນຄຳ່ວັນທີ 31/3, ໃນຂອບເຂດກອງປະຊຸມສຸດຍອດກ່ຽວກັບຄວາມສະຫງົບປອດໄພດ້ານນິວເຄຼຍ ຄັ້ງທີ 4 ຢູ່ນະຄອນຫຼວງ ວໍຊິງຕັນ, ປະເທດ ອາເມລິກາ, ທ່ານປະທານາທິບໍດີ ອາເມລິກາ Barack Obama ເປັນປະທານການເຮັດວຽກດ້ວຍຫົວຂໍ້ວ່າ “ໄພນາບຂູ່ກ່ຽວກັບຄວາມຄວາມສະຫງົບປອດໄພດ້ານນິວເຄຼຍ”. ທ່ານ ຟ້າມບີ່ງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ພ້ອມກັບການນຳຂັ້ນສູງຂອງ 52 ປະເທດສະມາຊິກເຂົ້າຮ່ວມ. ທີ່ວາລະປະຊຸມ, ບັນດາປະເທດລ້ວນແຕ່ເໜັ້ນໜັກວິວັດທະນາການຂອງ ກອງປະຊຸມສຸດຍອດກ່ຽວກັບຄວາມສະຫງົບປອດໄພດ້ານນິວເຄຼຍ ບັນລຸໄດ້ຫຼາຍຜົນງານສຳຄັນ, ປະຊາຄົມສາກົນນັບມື້ນັບມີຄວາມຮັບຮູ້ຢ່າງຈະແຈ້ງກ່ຽວກັບຄວາມສຳຄັນໃນດ້ານຄວາມສະຫງົບປອດໄພດ້ານນິວເຄຼຍ, ນັບມື້ນັບມີຫຼາຍປະເທດເຂົ້າຮ່ວມບັນດາສົນທິສັນຍາສາກົນໃນຂົງເຂດນີ້.
ຢູ່ນອກກອງປະຊຸມ, ທ່ານ ຟ້າມບີ່ງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ມີການແລກປ່ຽນກັບຫົວໜ້າຄະນະຂອງຫຼາຍປະເທດຄື: ປະທານາທິບໍດີ ຈີເລ, ປະທານາທິບໍດີ Nigeria, ນາຍົກລັດຖະມົນຕີ ການາດາ, ນາຍົກລັດຖະມົນຕີ ອີຕາລີ, ຮອງປະນາທິບໍດີ ອິນໂດເນເຊຍ, ຮອງນາຍົກລັດຖະມົນຕີ ມາເລເຊຍ… ທີ່ການພົບປະຄັ້ງຕ່າງໆ, ທ່ານ ຟ້າມບີ່ງມີງ ແລະ ການນຳປະເທດຕ່າງໆ ແລະ ບັນດາອົງການສາກົນໄດ້ແລກປ່ຽນກ່ຽວກັບສະພາບການພາກພື້ນ, ສາກົນ ແລະ ບັນດາຂົງເຂດຮ່ວມມືທີ່ຕ່າງຝ່າຍຕ່າງມີຄວາມສົນໃຈ, ເພື່ອແນໃສ່ຊຸກຍູ້ການພົວພັນຮ່ວມມື 2 ຝ່າຍ, ພິເສດແມ່ນກ່ຽວກັບການຄ້າ, ການລົງທຶນ, ການຮ່ວມມືພັດທະນາດ້ານພະລັງງານສະອາດ ແລະ ພະລັງງານຜະລິດຄືນໃໝ່.