ຫວຽດນາມແລະຕານຢານີອາຊຸກຍູ້ການພົວພັນ 2 ຝ່າຍ

ວັນຈັນ ທີ 27 ຕຸລາ ຄ.ສ. 2014 | 14:00:17

ທ່ານປະທານາທິບໍດີ ຕານຢານີອາ ຢາກາຍອາ ເມີລີໂຊ ກີເກ໋ວດເຕ

(vovworld) - ໂດຍໄດ້ຮັບຄຳເຊີນຂອງທ່ານປະທານປະເທດເຈືອງເຕິ້ນຊາງ, ປະທານາທິບໍດີ ແຫ່ງສາທາລະນະລັດເອກະພາບ ຕານຢານີອາ ຢາກາຍອາ ເມີລີໂຊ ກີເກ໋ວດເຕ ຢ້ຽມຢາມທາງລັດຖະກິດເຖິງຫວຽດນາມ ແຕ່ວັນທີ 26-28/10. ການຢ້ຽມຢາມຄັ້ງນີ້ ເພື່ອແນໃສ່ເພີ່ມທະວີການພົວພັນມິດຕະພາບ ແລະ ເປີດກ້ວາງບັນດາກາລະໂອກາດການຮ່ວມມືໃໝ່ ລະຫວ່າງ 2 ປະເທດ. ຫວຽດນາມ ແລະ ຕານຢານີອາ ມີການພົວພັນທີ່ເປັນມູນເຊື້ອອັນດີງາມ ນັບແຕ່ເມື່ອມີການສ້າງຕັ້ງສາຍພົວພັນທາງການທູດປີ 1965, 2 ປະເທດຍາມໃດກໍ່ສະໜັບສະໜູນເຊິ່ງກັນ ແລະ ກັນໃນການຕໍ່ສູ້ປົດປ່ອຍປະເທດຊາດເມື່ອກ່ອນ ແລະ ໃນທີ່ບັນດາເວທີປາໄສສາກົນປະຈຸບັນນີ້. ຕານຢານີອາ ສະໜັບສະໜູນຫວຽດນາມ ເຂົ້າເປັນສະມາຊິກອົງການການຄ້າໂລກ (WTO), ກາຍເປັນສະມາຊິກບໍ່ເປັນປະຈຳສະພາຄວາມໝັ້ນຄົງຂອງສະຫະປະຊາຊາດ (ອາຍຸການ 2008-2009), ສະມາຊິກສະພາສິດທິມະນຸດຂອງສະຫະປະຊາຊາດ (ອາຍຸການ 2014-2016) ແລະ ຮັບຮູ້ກົດລະບຽບເສດຖະກິດການຕະຫຼາດຂອງຫວຽດນາມ.

ການຢ້ຽມຢາມຫວຽດນາມ ຂອງທ່ານປະທານາທິບໍດີ ຕານຢານີອາ ຢາກາຍອາ ເມີລີໂຊ ກີເກ໋ວດເຕ ແມ່ນກາລະໂອກາດ ເພື່ອໃຫ້ 2 ຝ່າຍພ້ອມກັນແລກປ່ຽນ ແລະ ຊອກຫາວິທີເພີ່ມທະວີການຮ່ວມມືໃນບັນດາຂົງເຂດກະສິກຳ, ສິນໃນນ້ຳ, ການລົງທຶນ, ການສຶກສາ, ສາທາລະນະສຸກ, ໂທລະຄົມຢ່າງມີປະສິດທິຜົນ ແລະ ແລກປ່ຽນບາງບັນຫາສາກົນ ເຊິ່ງຕ່າງຝ່າຍຕ່າງມີຄວາມສົນໃຈ. ສິ່ງນັ້ນຈະນຳມາເຊິ່ງຜົນປະໂຫຍດຫຼາຍຢ່າງໃຫ້ຫວຽດນາມ ແລະ ຕານຢານີອາ ບົນເສັ້ນທາງພັດທະນາ.

ປະທານປະເທດເຈືອງເຕີນຊາງເຈເລະຈາກັບປະທານາທິບໍດີ ຕານຢານີອາ ຢາກາຍອາ ເມີລີໂຊ ກີເກ໋ວດເຕ

(ພາບ:vov)

ຕອນບ່າຍວັນທີ 27/10, ຢູ່ຮ່າໂນ້ຍ, ທ່ານປະທານປະເທດເຈືອງເຕີນຊາງ ໄດ້ດຳເນີນການຈະເລະຈາກັບປະທານາທິບໍດີ ຕານຢານີອາ ຢາກາຍອາ ເມີລີໂຊ ກີເກ໋ວດເຕ. ທ່ານປະທານປະເທດເຈືອງເຕີນຊາງ ຢືນຢັນວ່າ ຍາມໃດຫວຽດນາມ ກໍ່ຖືເປັນສຳຄັນ ແລະ ປາດຖະໜາຢາກເປີດກ້ວາງການຮ່ວມມືຕ່າງກໍ່ມີຜົນປະໂຫຍດກັບບັນດາປະເທດອາຟຼິກກາ, ໃນນັ້ນມີ ຕານຢານີອາ. ສ່ວນທ່ານປະທານາທິບໍດີ ຕານຢານີອາ ຢາກາຍອາ ເມີລີໂຊ ກີເກ໋ວດເຕ ສະແດງໃຫ້ເຫັນວ່າ: ພ້ອມແລ້ວທີ່ຈະແມ່ນຂົວຕໍ່ໃຫ້ຫວຽດນາມ ເຂົ້າຕະຫຼາດອາຟິຼກກາເວົ້າລວມ, ອາຟຼິກກາຕາເວັນອອກເວົ້າສະເພາະ ພ້ອມທັງປາດຖະໜາຢາກໃຫ້ຫວຽດນາມ ສ້າງເງື່ອນໄຂອຳນວຍຄວາມສະດວກໃຫ້ແກ່ສິນຄ້າ ຕານຢານີອາ ເຂົ້າຕະຫຼາດຫວຽດນາມ ກໍ່ຄືອາຊຽນ.

ການນຳສອງທ່ານເຫັນດີເປັນເອກະສັນຈະເພີ່ມທະວີການພົວພັນດ້ານການເມືອງ, ຍູ້ແຮງການເຄື່ອນໄຫວການທູດ ປຊຊ, ແຮກສ່ຽວລະຫວ່າງບັນດານະຄອນໃຫ່ຍ. ສອງຝ່າຍເຫັນດີຈະສືບຕໍ່ຮ່ວມມືຢ່າງແໜ້ນແຟ້ນບົນເວທີປາໄສສາກົນ ແລະ ພາກພື້ນ. ການນຳສອງທ່ານຍັງໄດ້ແລກປ່ຽນກ່ຽວກັບຄວາມສຳຄັນໃນການຮັບປະກັນຄວາມສະຫງົບປອດໄພ, ຄວາມປອດໄພ ແລະ ການເສລີການເດີນທະເລຢູ່ທະເລຕາເວັນອອກ, ແກ້ໄຂຄວາມຂັດແຍ້ງໂດຍສັນຕິວິທິ, ຈຳເປັນຕ້ອງປະຕິບັດກົດໝາຍສາກົນ, ໂດຍສະເພາະແມ່ນສົນທິສັນຍາ ສປຊ ກ່ຽວກັບກົດໝາຍທະເລປີ 1982 ແລະ ຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ./.