ຫວຽດນາມແລະລາວ ເພີ່ມທະວີການຮ່ວມມືໃນຂົງເຂດນິຕິບັນຍັດ
(ທ່ານ ດີງເທຮີງ ແລະ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ລາວ)
(vovworld) - ໃນຂອບເຂດການຢ້ຽມຢາມ ລາວ ຢ່າງເປັນທາງການ, ຕອນເຊົ້າວັນທີ 12/04 ຢູ່ນະຄອນຫລວງ ວຽງຈັນ, ທ່ານ ດີງເທຮີງ ກຳມະການກົມການເມືອງ ຜູ້ປະຈຳຄະນະເລຂາທິການ ພົບປະເຈລະຈາກັບທ່ານນາງປະທານສະພາແຫ່ງຊາດ ລາວ ປານີ ຢາທໍ່ຕູ້. ນະທີ່ນີ້ ທ່ານ ດີງເທຮີງ ສະເໜີ 2 ປະເທດສືບຕໍ່ເພີ່ມທະວີການຮ່ວມມື, ແລກປ່ຽນຂໍ້ມູນຂ່າວ, ບົດຮຽນ, ວິຊາສະເພາະໃນຂົງເຂດນິຕິບັນຍັດ, ຕິດຕາມກວດກາ ແລະ ຕັດສິນບັນດາບັນຫາໃຫຍ່ຂອງປະເທດຊາດ; ຊີ້ນຳບັນດາກະຊວງ, ຂະແໜງການ, ທ້ອງຖິ່ນຜັນຂະຫຍາຍການປະຕິບັດມີຜົນງານບັນດາເນື້ອໃນຂໍ້ຕົກລົງຢູ່ກອງປະຊຸມຄັ້ງທີ 38 ຄະນະກຳມະການຮ່ວມມື 2 ຝ່າຍ ຫວຽດນາມ - ລາວ ແລະ ບັນດາສັນຍາທີ່ໄດ້ລົງນາມຢ່າງມີຜົນ. ທ່ານນາງ ປານີ ຢາທໍ່ຕູ້ ຢືນຢັນວ່າ: ຈະຊີ້ນຳບັນດາກະຊວງ, ຂະແໜງການ, ທ້ອງຖິ່ນຂອງ ລາວ ສົມທົບກັນຢ່າງແໜ້ນແຟ້ນກັບ ຫວຽດນາມ ເພື່ອຜັນຂະຫຍາຍການປະຕິບັດບັນດາຂໍ້ຕົກລົງທີ່ໄດ້ລົງນາມເປັນຢ່າງດີ; ສະແດງຄວາມຂອບອົກຂອບໃຈ ຫວຽດນາມ ທີ່ຍາມໃດກໍ່ສະຫງວນໃຫ້ ລາວ ການສະໜັບສະໜູນ ແລະ ຊ່ວຍເຫຼືອອັນໃຫຍ່ຫລວງ ແລະ ລ້ຳຄ່ານັບແຕ່ກ່ອນມານີ້ ແລະ ຢືນຢັນວ່າ: ລາວ ຈະເຮັດຈົນສຸດຄວາມສາມາດຂອງຕົນ ເພື່ອພ້ອມກັບ ຫວຽດນາມ ຮັກສາ ແລະ ເພີ່ນພູນຄູນສ້າງສາຍພົວພັນສາມັກຄີແບບພິເສດ ລາວ - ຫວຽດນາມ.