ຫວຽດນາມແລະສ.ເກົາຫຼີຮ່ວມມືມອບໂອນເຕັກໂນໂລຊີໃນຂົງເຂດກໍ່ສ້າງ,ພື້ນຖານໂຄງລ່າງ,ຄົມມະນາຄົມ
(ພາບປະກອບ: TTXVN)
(vovworld) - ວັນທີ 09/06, ຢູ່ນະຄອນໂຮ່ຈິມິນ, ກົມນຳໃຊ້ ແລະ ພັດທະນາເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີຫວຽດນາມ ໄດ້ສົມທົບກັບອົງການພັດທະນາພື້ນຖານໂຄງລ່າງຄົມມະນາຄົມສ.ເກົາຫຼີ ຈັດຕັ້ງກອງປະຊຸມສຳມະນາ “ເຕັກໂນໂລຊີໃໝ່ນຳໃຊ້ໃນການກໍ່ສ້າງ - ພື້ນຖານໂຄງລ່າງ - ຄົມມະນາຄົມ”, ເພື່ອແນໃສ່ເພີ່ມທະວີການຮ່ວມມືຄົ້ນຄວ້າ, ມອບໂອນເຕັກໂນໂລຊີລະຫວ່າງຫວຽດນາມ ແລະ ສ.ເກົາຫຼີ ໃນຂົງເຂດກໍ່ສ້າງ, ພັດທະນາພື້ນຖານໂຄງລ່າງ, ຄົມມະນາຄົມຂົນສົ່ງ. ທີ່ກອງປະຊຸມສຳມະນາ, ບັນດາວິສາຫະກິດຫວຽດນາມ ແລະ ສ.ເກົາຫຼີ ໄດ້ແລກປ່ຽນຄຳເຫັນກ່ຽວກັບຄວາມຕ້ອງການເຕັກໂນໂລຊີຈາກຝ່າຍວິສາຫະກິດຫວຽດນາມ, ບັນດາທ່າແຮງ ແລະ ກຳນົດທິດພັດທະນາຂອງຫວຽດນາມໃນຂົງເຂດດັ່ງກ່າວ. ນອກຈາກນັ້ນ, ຜູ້ຕາງໜ້າບັນດາວິສາຫະກິດສ.ເກົາຫຼີ ໄດ້ໂຄສະນາເຕັກໂນໂລຊີໃໝ່, ກ້າວໜ້າໃນຂົງເຂດການກໍ່ສ້າງ, ພັດທະນາພື້ນຖານໂຄງລ້າງ, ຄົມມະນາຄົມຂົນສົ່ງ.
ເນື່ອງໃນໂອກາດນີ້, ສະມາຄົມວິທະຍາສາດເຕັກນິກການກໍ່ສ້າງນະຄອນໂຮ່ຈິມິນ ແລະ ສະມາຄົມເຕັກໂນໂລຊີໃໝ່ໃນການກໍ່ສ້າງ - ຄົມມະນາຄົມສ.ເກົາຫຼີ ໄດ້ລົງນາມໃນສັນຍາຮ່ວມມື ກ່ຽວກັບການສົມທົບກັນຜັນຂະຫຍາຍ, ນຳໃຊ້ບັນດາເຕັກໂນໂລຊີໃໝ່ເຂົ້າໃນຂົງເຂດກໍ່ສ້າງພົນລະເຮືອນ ແລະ ອຸດສາຫະກຳ.