ຫວຽດນາມແລະອິດສະຣາແອນຊຸກຍູ້ການຮ່ວມມືກ່ຽວກັບການສຶກສາແລະບຳລຸງສ້າງ
ພາບປະກອບຈາກສຳນັກຂ່າວສານ ຫວຽດນາມ
(vovworld) – ໃນຂອບເຂດບັນດາໂຄງການຊຸກຍູ້ການຮ່ວມມືດ້ານການສຶກສາລະຫວ່າງ ອິດສະຣາແອນ ແລະ ຫວຽດນາມ, ແຕ່ວັນທີ 2 – 11/8, ບັນດາຄູສອນ ແລະ ນັກຮຽນໂຮງຮຽນ ຮ່າໂນ້ຍ - Amsterdam ໄດ້ເຂົ້າຮ່ວມລາຍການພິເສດກ່ຽວກັບເຕັກໂນໂລຢີ ຫຸ່ນຍົນ ແລະ ເລີ່ມດຳເນີນອາຊີບຢູ່ໂຮງຮຽນມັດທະຍົມຕອນປາຍ HaKfar HaYaok ຂອງ ອິດຣາແອນ, ນີ້ກໍ່ເປັນຄັ້ງທຳອິດໂຮງຮຽນມັດທະຍົມຕອນປາຍຂອງ ຫວຽດນາມ ແລະ ອິດສະຣາແອນ ຮ່ວມມືໃນຂົງເຂດການສຶກສາ ແລະ ບຳລຸງສ້າງ. ໃນໄລຍະຄົ້ນຄ້ວາຢູ່ ໂຮງຮຽນມັດທະຍົມຕອນປາຍ HaKfar HaYaok, ບັນດານັກຮຽນມີໂອກາດໄດ້ເຄື່ອນໄຫວໃນສະພາບແວດລ້ອມແຫ່ງການຮ່ຳຮຽນຢ່າງຄົບຖ້ວນ ແລະ ມີຫົວຄິດປະດິດສ້າງທີ່ສຸດຂອງ ອິດສະຣາແອນ ໃນປະຈຸບັນ. ພ້ອມກັບບັນດາຊຸດຮຽນກ່ຽວກັບ ຫຸ່ນຍົນ, ຄະນະນັກຮຽນ ຫວຽດນາມ ກໍ່ໄດ້ເຄື່ອນໄຫວໃນສະພາບແວດລ້ອມເລີ່ມດຳເນີນອາຊີບທີ່ຂະຫຍັນຂັນເຄື່ອນຢູ່ໂຮງຮຽນມັດທະຍົມຕອນປາຍ HaKfar HaYaok , ບ່ອນທີ່ໄດ້ຮັບຖືວ່າແມ່ນໜຶ່ງໃນບັນດາສະພາບແວດລ້ອມເລີ່ມດຳເນີນອາຊີບໜຸ່ມທີ່ສຸດຢູ່ ອິດສະຣາແອນ.