ຫວຽດນາມໂຄສະນາການທ່ອງທ່ຽວທີ່ ງານວາງສະແດງໜັງສືພິມ “ມະນຸດ ສະທຳ” ຢູ່ຝະລັ່ງ.
ງານວາງສະແດງໜັງສືພິມ“ມະນຸດສະທຳ” ຄັ້ງທີ 84 ຊຶ່ງຖືກຈັດຂຶ້ນຢູ່ເຂດຊານນະຄອນປາຣີ
|
(vovworld)- ໃນຂອບເຂດງານວາງສະແດງໜັງສືພິມ“ມະນຸດສະທຳ” ຄັ້ງທີ 84 ຊຶ່ງຖືກຈັດຂຶ້ນຢູ່ເຂດ ຊານນະຄອນ ປາຣີ, ວັນທີ 11/9 ເລຂາທິການພັກກອມມູນິດ ຝະລັ່ງ ທ່ານ Pierre Laurent ໄດ້ໃຫ້ການຕ້ອນຮັບທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ເລຫາຍແຄ້ງ ຊຶ່ງພວມຢູ່ຢ້ຽມຢາມ ແລະ ເຮັດວຽກຢູ່ຝະລັ່ງ. ທີ່ການຕ້ອນຮັບ, ເລຂາທິການພັກກອມມູນິດ ຝະລັ່ງ ທ່ານ Pierre Laurent ໄດ້ກ່າວຢ້ຳຄືນກ່ຽວກັບສາຍພົວພັນຢ່າງສະໜິດແໜ້ນລະຫວ່າງ 2 ພັກ ຊຶ່ງໄດ້ຮັບການກໍ່ສ້າງ ແລະ ເພີ່ມພູນຄູນສ້າງໃນຫຼາຍທົດສະວັດທີ່ຜ່ານມາ, ພ້ອມທັງມີຄວາມເປັນກຽດໄດ້ເຊື້ອເຊີນຫວຽດນາມມາເຂົ້າຮ່ວມ “ ຂອບເຂດກຸ່ມວິສາຫະກິດ” ໃນຂອບເຂດງານວາງສະແດງ ໜັງສືພິມ“ມະນຸດສະທຳ”ປີນີ້ໃນຖານະ ແມ່ນແຂກຜູ້ທີ່ມີກຽດ. ທ່ານ Pierre Laurent ຊີ້ແຈ້ງວ່າ ຜົນສຳເລັດຂອງການ ເຄື່ອນໄຫວປີຫວຽດນາມ ຢູ່ຝະລັ່ງ 2014 , ຊຶ່ງເປັນການຢັ້ງຢືນວ່າ 2 ຝ່າຍມີຄວາມສາມາດບົ່ມຊ້ອນຫຼາຍຢ່າງເພື່ອເປີດກ້ວາງການພົວພັນຮ່ວມມືໃນອະນາຄົດ.
ສ່ວນທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ເລຫາຍແຄ້ງ ຢືນຢັນວ່າ ຫວຽດນາມຍາມໃດກໍຖືຝະລັ່ງແມ່ນຕະຫຼາດຈຸດສຸມກ່ຽວກັບການທ່ອງທ່ຽວ, ການພົວພັນລະຫວ່າງຫວຽດນາມ ແລະ ຝະລັ່ງໃນຂົງເຂດທ່ອງທ່ຽວໄດ້ພັດທະນາຢ່າງແຂງແຮງໃນໄລຍະທີ່ຜ່ານມາ ແລະ ຍັງມີຄວາມສາມາດບົມຊ້ອນຫຼາຍຢ່າງເພື່ອສືບຕໍ່ພັດທະນາໃນໄລຍະທີ່ຈະມາເຖິງ.