ຫາງສຽງສາກົນຕີລາຄາສູງຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ12ຂອງພັກກອມມູນິດຫວຽດນາມ
(ພາບປະກອບ: vneconomy)
(vovworld) – ຕີລາຄາໝາກຜົນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ, ສ່ວນຫຼາຍແມ່ນນັກການເມືອງ, ນັກຊ່ຽວຊານໄຈ້ແຍກ, ນັກເຄື່ອນໄຫວສັງຄົມລັດເຊຍ ລ້ວນແຕ່ສະແດງຄວາມພາກພຸມໃຈເມື່ອເຫັນວ່າ ຍ້ອນກອງປະຊຸມໃຫຍ່ໄດ້ຮັບຜົນສຳລັດຢ່າງດີງາມ. ທ່ານສະມາຊິກລັດຖະສະພາ Andery Klimov, ຮອງປະທານກຳມາທິການການຕ່າງປະເທດ (ສະພາສູງ) ສະຫະພັນລັດເຊຍ, ຫົວໜ້າຄະນະພົວພັນຕ່າງປະເທດພັກລັດເຊຍ ເອກະພາບກຳອຳນາດ, ຢືນຢັນວ່າ: ພັກກອມມູນິດຫວຽດນາມ ຈະມີບັນດາການປ່ຽນໃໝ່, ສ້າງເງື່ອນໄຂເພື່ອໃຫ້ປະເທດ ແລະ ປະຊາຊົນຫວຽດນາມ ສືບຕໍ່ເດີນຕາມເສັ້ນທາງສ້າງຕັ້ງພື້ນຖານເສດຖະກິດສະຖຽນລະພາບ, ພັດທະນາສັງຄົມ. ນັກປະຫວັດສາດ, ນັກຫວຽດນາມ ວິທະຍາ Piotr Svetov ໃຫ້ຂໍ້ສັງເກດວ່າ “ກອງປະຊຸມໃຫຍ່ຂອງພັກກອມມູນິດຫວຽດນາມ ໄດ້ດຶງດູດຄວາມສົນໃຈຢ່າງໃຫຍ່ຫຼວງໃນທົ່ວປະເທດ, ຍ້ອນຫວຽດນາມ ແມ່ນປະເທດມີຄວາມສຳຄັນກ່ຽວກັບດ້ານເສດຖະກິດ ແລະ ການເມືອງໃນໂລກ, ແມ່ນປະເທດມີພົນລະເມືອງກວ່າ 90 ລ້ານຄົນ ແລະ ສວມບົດບາດທີ່ໃຫຍ່ຫຼວງ. ທ່ານ Svetov ເນັ້ນໜັກວ່າ: ກອງປະຊຸມໃຫຍ່ຄັ້ງນີ້ໄດ້ສ້າງເງື່ອນໄຂສະດວກໃຫ້ແກ່ການພັດທະນາການພົວພັນລະຫວ່າງຫວຽດນາມ - ສະຫະພັນລັດເຊຍ”.
ວັນທີ 28/01, ຜູ້ຕາງໜ້າພັກກອມມູນິດອັກຊັງຕິນ ເນັ້ນໜັກວ່າ: ໃນສະພາບໂລກກາພິວັດຄືປະຈຸບັນ, ການພັດທະນາຢ່າງຂະຫຍັນຂັນເຄື່ອນຂອງຫວຽດນາມ, ພາຍໃຕ້ການຊີ້ນຳນຳພາຂອງພັກກອມມູນິດ, ການເຂົ້າຮ່ວມຢ່າງກວ້າງຂວາງຂອງປະຊາຊົນ ແລະ ຜູ້ອອກແຮງງານເຂົ້າໃນພາລະກິດສ້າງສາ ແລະ ຫັນປະເທດເປັນອຸດສາຫະກຳ ແລະ ທັນສະໄໝ ແມ່ນບັນດາສິ່ງທີ່ບັນດານັກກອມມູນິດອັກຊັງຕິນ ຍາມໃດກໍເອົາໃຈໃສ່ຕິດຕາມ.
ເພື່ອຂ່ຳນັບຮັບຕ້ອນຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ, ທ່ານນາງ ສູນທອນ ໄຊຍະຈັກ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ເຊື່ອໝັ້ນວ່າ, ການພົວພັນທີ່ເປັນມູນເຊື້ອລະຫວ່າງລາວ ແລະ ຫວຽດນາມ ຈະສືບຕໍ່ໄດ້ຮັບການຮັກສາຢ່າງໝັ້ນຄົງ ແລະ ພັດທະນາໃນອະນາຄົດ. ໃນຂະນະນັ້ນ, ປະຊາຄົນຊາວຫວຽດນາມ ອາໄສຢູ່ລາວ ກໍສະແດງຄວາມປິຕິຊົມຊື່ນຕໍ່ຜົນສຳເລັດຂອງກອງປະຊຸມໃຫຍ່ຄັ້ງທີ 12 ຂອງພັກ. ທ່ານຄຳລອງ, ຊາວຫວຽດນາມ ອາໄສຢູ່ນະຄອນຫຼວງວຽງຈັນ ໃຫ້ຮູ້ວ່າໄດ້ຕິດຕາມການຜັນແປຂອງກອງປະຊຸມໃຫຍ່ຢ່າງໃກ້ຊິດ, ເຫັນໄດ້ຈິດໃຈປະຊາທິປະໄຕ, ຄວາມສາມັກຄີຂອງກອງປະຊຸມໃຫຍ່. ທ່ານເຊື່ອໝັ້ນວ່າ ຄະນະການນຳໃໝ່ຈະນຳພາປະເທດຊາດໃຫ້ນັບມື້ນັບໝັ້ນຄົງເຂັ້ມແຂງ.