(vovworld) – ປະຊາຊົນ ອາເມລິກາ ເປັນຈຳນວນຫຼວງຫຼາຍ ໄດ້ສະແດງຄວາມສະໜັບສະໜູນສຳລັບການປ່ຽນແປງນະໂຍບາຍຂອງປະເທດນີ້ໃນການພົວພັນກັບ ກູບາ, ພິເສດແມ່ນຢູ່ລັດ Florida, ບ່ອນທີ່ມີປະຊາຄົມເຊື້ອຊາດ ກູບາ ພວມດຳເນີນຊີວິດເປັນຈຳນວນຫຼາຍ. ໝາກຜົນຂອງການຢັ່ງຫາງສຽງໄລຍະມໍ່ໆມານີ້ໂດຍສູນຄົ້ນຄ້ວາ Atlantic Council ປະຕິບັດ ແລະ ປະກາດໃນວັນທີ 11/2 ໃຫ້ເຫັນວ່າ: ພົນລະເມືອງ ອາເມລິຫາ 56% ເຫັນດີຕໍ່ຂໍ້ສະເໜີປ່ຽນແປງນະໂຍບາຍຂອງ Washington ສຳລັບ La Habana. ສະເພະລັດ Florida, ຈຳນວນຜູ້ສະໜັບສະໜູນເລື່ອງພິຈາລະນາຄືນການພົວພັນທັງໝົດກັບ ກູບາ ແລະ ສ້າງການພົວພັນ 2 ຝ່າຍເປັນປົກກະຕິແມ່ນຂຶ້ນເຖິງ 63%. ຢູ່ເມືອງ Miami – Dade, ບ່ອນໄດ້ຮັບຖືວ່າແມ່ນແຫ່ງທີ່ຕ້ານທຳລາຍທຸກໆຄວາມມານະພະຍາຍາມສ້າງການພົວພັນເປັນປົກກະຕິກັບ ກູບາ, ການສະໜັບສະໜູນບັນດາການປ່ຽນແປງນະໂຍບາຍຂອງ ອາເມລິກາ ໄດ້ຂຶ້ນເຖິງ 64%. ແລະກໍ່ຕາມໝາກຜົນແຫ່ງການຢັ່ງຫາງສຽງດັ່ງກ່າວ, ປະຊາຊົນອາເມລິກາ 61% ຮຽກຮ້ອງໃຫ້ລັດຖະບານຍົກ ກູບາ ອອກຈາກບັນຊີລາຍຊື່ບັນດາປະເທດສະໜັບສະໜູນລັດທິກໍ່ການຮ້າຍ, ໃນນັ້ນອັດຕາຜູ້ສະໜັບສະໜູນຢູ່ລັດ Florida ແມ່ນຂຶ້ນເຖິງ 67%.