(vovworld) - ໃນໄລຍະ 2012 – 2016, ອົງການພັດທະນາສະຫະປະຊາຊາດ (ຫຼື UNDP) ໄດ້ ແລະ ພວມໜູນຊ່ວຍກະຊວງແຮງງານ, ທະຫານເສຍອົງຄະ ແລະ ສັງຄົມ ຄຸ້ມຄອງໂຄງການຊ່ວຍເຫຼືອ ຫວຽດນາມ ປະຕິບັດໂຄງການຈຸດໝາຍແຫ່ງຊາດກ່ຽວກັບການຫຼຸດຜ່ອນຄວາມທຸກຍາກ ແບບຍືນຍົງໂດຍປະຕິບັດທົດລອງ ຢູ່ 8 ແຂວງຄື: ຮ່າຢາງ, ດ້ຽນບຽນ, ກາວບັ່ງ, ບັກກ້ານ, ແທງຮ໋ວາ, ກວາງຫງາຍ, ກອນຕຸມ ແລະ ຈ່າວິງ. ໂຄງການເພື່ອແນໃສ່ຍູ້ແຮງລະດັບການຫຼຸດຜ່ອນຄວາມທຸກຍາກຢູ່ບັນດາແຂວງນີ້, ປົວແປງຄຸນນະພາບການດຳລົງຊີວິດ ແລະ ການທຳມາຫາກິນ ຂອງຜູ້ທຸກຍາກ, ຊາວເຜົ່າສ່ວນໜ້ອຍ, ປະກອບສ່ວນຍູ້ແຮງລະດັບຫຼຸດຜ່ອນຄວາມທຸກຍາກ ຢູ່ບັນດາເຂດທຸກຍາກທີ່ສຸດ ແລະ ເຂດຊົນເຜົ່າສ່ວນໜ້ອຍຢູ່ ຫວຽດນາມ. ເມື່ອໂຄງການສິ້ນສຸດລົງ, ບັນດານະໂຍບາຍຫຼຸດຜ່ອນຄວາມທຸກຍາກຈະໄດ້ຊັບຊ້ອນຢ່າງເໝາະສົມ ແລະ ລວບລວມເຂົ້າແຜນຮ່າງ, ກອບນະໂຍບາຍເປັນປະຈຳຂອງບັນດາກະຊວງ, ຂະແໜງການ, ໃນນັ້ນສຸມໃສ່ບັນດາການເຄື່ອນໄຫວ ແລະ ແຫຼ່ງກຳລັງບຸລິມະສຸດລົງທຶນໃຫ້ບັນດາເມືອງທຸກຍາກ, ຕາແສງທຸກຍາກ ເພື່ອຍູ້ໄວລະດັບຫຼຸດຜ່ອນຄວາມທຸກຍາກຢູ່ບັນດາບໍລິເວນນີ້.