ອົງການວິໄສທັດໂລກໜູນຊ່ວຍ ປັບປຸງຊີວິດການເປັນຢູ່ຂອງຜູ້ທຸກຍາກແຂວງກວາງຈີ້
(ພາບປະກອບ)
(vovworld) - ຄະນະກຳມະການປະຊາຊົນແຂວງ ກວາງຈີ້ ຫາກໍ່ເຊັນອະນຸມັດລາຍການໜູນຊ່ວຍພັດທະນາແຂວງ ກວາງຈີ້ ໂດຍອົງການວິໄສທັດໂລກ (WVI) ປະຈຳ ຫວຽດນາມ ອຸປະຖຳ, ດ້ວຍຍອດມູນຄ່າແມ່ນ1,8 ລ້ານກວ່າ USD. ລາຍການຈະໄດ້ຮັບການຜັນຂະຫຍາຍໃນໄລຍະ 2 ປີຢູ່ 4 ເມືອງ. ຈຸດປະສົງຂອງລາຍການແມ່ນເພື່ອປະກອບສ່ວນປັບປຸງຊີວິດການເປັນຢູ່ຂອງຄົນທຸກຍາກ, ພິເສດແມ່ນແມ່ຍິງ ແລະ ເດັກນ້ອຍ, ຜ່ານການພັດທະນາພາຫະນະລ້ຽງຊີວິດ, ພັດທະນາການສຶກສາ, ສົ່ງເສີມສຸຂະພາບ, ອຸປະກະລະ ແລະ ປົກປ້ອງເດັກ… ທ່ານ ຫງວຽນດຶກກວາງ, ຮອງຜູ້ອຳນວຍການພະແນກພົວພັນຕ່າງປະເທດ, ແຂວງ ກວາງຈີ້, ໃຫ້ຮູ້ວ່າ:
“ປະຈຸບັນ, ອົງການວິໄສທັດໂລກ ຕົກລົງຈະສຸມໃສ່ໜູນຊ່ວຍປະຊາຄົມຊາວເຜົ່າສ່ວນໜ້ອຍ ປາໂກ, ເວິນກ່ຽວ. ດ້ວຍຈຸດປະສົງຕົ້ນຕໍແມ່ນຍົກສູງຊີວິດການເປັນຢູ່ໃຫ້ປະຊາຊົນ, ພິເສດແມ່ນຄົນທຸກຍາກ ຜ່ານບັນດາການເຄື່ອນໄຫວຫາເງິນລ້ຽງຊີບ, ໜູນຊ່ວຍປະຊາຄົມ… ການຊ່ວຍເຫຼືອຂອງອົງການວິໄສທັດໂລກ ແມ່ນຊ່ວຍເຫຼືອລ້າ“.