(vovworld) – ຕອນບ່າຍວັນທີ 25/09, ວາລະປະຊຸມຄັ້ງທີ 41 ຂອງຄະນະປະຈຳສະພາແຫ່ງຊາດ ຖືກອັດລົງ, ພາຍຫຼັງເຮັດວຽກມາເປັນເວລາ 2 ສັບປະດາ. ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນໃສ່ຮ່າງກົດໝາຍ 7 ສະບັບ, ໃນນັ້ນມີຮ່າງກົດໝາຍ 3 ສະບັບທີ່ຍື່ນສະເໜີຕໍ່ສະພາແຫ່ງຊາດ ເພື່ອຮັບຮອງເອົານັ້ນແມ່ນ: ປະມວນກົດໝາຍອາຍາ (ສະບັບປັບປຸງ), ກົດໝາຍວ່າດ້ວຍພາສີຂາອອກ, ຂາເຂົ້າ (ສະບັບປັບປຸງ); ກົດໝາຍວ່າດ້ວຍພົນທະຫານວິຊາການ ແລະ ກຳມະກອນ, ພາລະກອນປ້ອງກັນປະເທດ. ຄະນະປະຈຳສະພາແຫ່ງຊາດກໍໃຫ້ຄຳເຫັນໃສ່ບົດລາຍງານວຽກງານປະຕິບັດຄຳຕັດສິນຂອງສານ, ວຽກງານປ້ອງກັນຕ້ານການສໍ້ລາດບັງຫຼວງ, ຕ້ານອາດຊະຍາກຳ ແລະ ລະເມີດກົດໝາຍ, ວຽກງານປ້ອງກັນຕ້ານການສໍ້ລາດບັງຫຼວງປີ 2015. ກ່າວຄຳເຫັນອັດວາລະປະຊຸມຄັ້ງທີ 41, ທ່ານຮອງປະທານສະພາແຫ່ງຊາດ ອວງຈຸລິວ ສະເໜີໃຫ້ບັນດາອົງການກ່ຽວຂ້ອງຕ້ອງສົມທົບກັນສຳຫຼວດກວດກາຄືນບັນດາເນື້ອໃນ, ຮັບເອົາຄຳເຫັນທີ່ວາລະປະຊຸມ, ຮັບປະກັນຄວາມຄືບໜ້າ, ຄຸນນະພາບບັນດາຮ່າງກົດໝາຍ, ຮ່າງບົດລາຍງານທີ່ຍື່ນສະເໜີຕໍ່ສະພາແຫ່ງຊາດ ໃນກອງປະຊຸມຄັ້ງທີ 10 ທີ່ຈະມາເຖິງ.