(vovworld) – ຮຸ່ງເຊົ້າວັນທີ 27/10 (ຕາເວລາຫວຽດນາມ), ທ່ານປະທານາທິບໍດີອີນໂດເນເຊຍ Joko Widodo ໄດ້ມີການເຈລະຈາກັບທ່ານປະທານາທິບໍດີອາເມລິກາ Barack Obama ຢູ່ທຳນຽບຂາວ. ການນຳອີນໂດເນເຊຍ ໃຫ້ຮູ້ວ່າ, ປະເທດນີ້ຈະເຂົ້າຮ່ວມສັນຍາຄູ່ຮ່ວມມືຂ້າມປາຊີຟິກ (TPP). ກ່າວຄຳເຫັນພາຍຫຼັງການເຈລະຈາ, ທ່ານ Obama ໄດ້ຕີລາຄາວ່າ, ຜູ້ຮ່ວມຕຳແໜ່ງ Widodo ພວມນຳພາອີນໂດເນເຊຍ ໄປຖືກທິດ, ພ້ອມທັງສະແດງຄວາມປາດຖະໜາວ່າ ຢາກຮ່ວມມືກັບບັນດາປະເທດອາຊີຕາເວັນອອກສ່ຽງໃຕ້ນີ້. ອີນໂດເນເຊຍ ໄດ້ສະແດງໃຫ້ເຫັນຄວາມສົນໃຈຕໍ່ TPP ເປັນຫຼາຍຄັ້ງແລ້ວ, ແຕ່ນີ້ແມ່ນຄັ້ງທຳອິດທີ່ໄດ້ຍົກອອກຖະແຫຼງການຢ່າງຈະແຈ້ງ ສະແດງໃຫ້ເຫັນວ່າ ປະເທດນີ້ຢາກເຂົ້າເປັນສະມາຊິກສັນຍາ ເຊິ່ງອາເມລິກາ ພ້ອມກັບ 11 ຄູ່ຮ່ວມມືອື່ນໄດ້ສິ້ນສຸດການເຈລະຈາ.