ປະທານຄະນະກຳມະການ ເອີລົບJean-Claude Juncker, ທ່ານນາຍົກລັດຖະມົນຕີ ການາດາ Justin Trudeau, ປະທານສະພາ ເອີລົບ Donald Tusk ທີ່ພິທີເຊັນ CETA ຢູ່ບຣຸກແຊນ.
(ພາບ: AP/TTXVN)
|
(vovworld) – ກອງປະຊຸມສຸດຍອດສະຫະພາບເອີລົບ (ອີຢູ) ແລະ ການາດາ ໄດ້ໄຂຂຶ້ນໃນວັນທີ 30/10 ຢູ່ນະຄອນຫຼວງ ບຣຸກແຊນ, ປະເທດ ແບນຊິກ ດ້ວຍໝາກຜົນແມ່ນ 2 ຝ່າຍໄດ້ເຊັນສັນຍາການຄ້າ ແລະ ເສດຖະກິດຮອບດ້ານ ອີຢູ - ການາດາ (CETA) ແລະ ສັນຍາຄູ່ຮ່ວມມືຍຸດທະສາດ (SPA). ເຫດການນີ້ໄດ້ຮັບຖືວ່າແມ່ນບາດກ້າວໃໝ່ ໃນຂະນະທີ່ກ່ອນນີ້ພຽງ 2, 3 ວັນ, CETA ຍັງຢືນຕໍ່ໜ້າໄພລົ້ມລະລາຍຍ້ອນມີການຄັດຄ້ານຂອງເຂດ Wallonie ແລະ ບັນດາເຂດເວົ້າພາສາ ຝຣັ່ງ ອື່ນໆຂອງ ແບນຊິກຍ. ກ່າວຄຳເຫັນທີ່ການພົບປະກັບທ່ານນາຍົກລັດຖະມົນຕີ ການາດາ Justin Trudeau, ທ່ານປະທານຄະນະກຳມະການ ເອີລົບ Jean – Claude Juncker ໄດ້ຕີລາຄາວ່າ, ເຖິງວ່າວຽກງານທຸກຢ່າງຍັງປະສົບຄວາມຫຍູ້ງຍາກກໍ່ຕາມ ແຕ່ສຸດທ້າຍທັງ 2 ຝ່າຍກໍ່ບັນລຸໄດ້ຄວາມເຫັນດີເຫັນພ້ອມ ແລະ ໄດ້ເຊັນສັນຍາເສດຖະກິດ ແລະ ການຄ້າ ສຳຄັນທີ່ສຸດທີ່ໃນວິວັດທະນາການເຈລະຈາທີ່ແກ່ຍາວເປັນເວລາ 7 ປີນີ້. ເມື່ອມີຜົນສັກສິດ, CETA ຈະເຊື່ອມຕໍ່ ອີຢູ - ເຊິ່ງແມ່ນໜຶ່ງໃນບັນດາຕະຫຼາດໃຫຍ່ທີ່ສຸດໃນໂລກ ລວມມີພົນລະເມືອງ 500 ລ້ານຄົນ - ກັບ ການາດາ - ເຊິ່ງແມ່ນພື້ນຖານເສດຖະກິດຂະຫຍັນຂັນເຄື່ອນ ແລະ ໃຫຍ່ອັນດັບ 10 ໃນທົ່ວໂລກ. ສິນຄ້າແລກປ່ຽນລະຫວ່າງ 2 ຝ່າຍຈະໄດ້ຫລຸດຜ່ອນພາສີເຖິງ 99%. ພາຍຫຼັງໄດ້ຮັບການລົງນາມ, ສັນຍາຈະຕ້ອງໄດ້ຮັບການໃຫ້ສັດຕະຍາບັນຈາກລັດຖະສະພາເອີລົບ ແລະ ສະພາແຫ່ງຊາດ ການາດາ ກ່ອນທີ່ມີຜົນສັກສິດຢ່າງເປັນທາງການ.