ທ່ານ ຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ
photo:baotintuc.vn
|
(vovworld)- ຕອນຄ່ຳວັນທີ 28/7 ຢູ່ ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ຈັດຕັ້ງພິທີສະເຫລີມສະຫລອງ 20 ປີແຫ່ງວັນຫວຽດນາມ ເຂົ້າເປັນສະມາຊິກ ອາຊຽນ (28/7/1995-28/7/2015) ແລະ 48 ປີແຫ່ງວັນສ້າງຕັ້ງ ອາຊຽນ (8/8/1967-8/8/2015). ເຂົ້າຮ່ວມພິທີ, ມີທ່ານ ຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ, ທ່ານເລເລືອງມີງ, ເລຂາທິການໃຫຍ່ ອາຊຽນ ພ້ອມກັບບັນດາທ່ານເອກອັກຄະລັດຖະທູດ, ຫົວຫນ້າຄະນະຜູ້ຕາງຫນ້າຂອງອາຊຽນ, ຫົວຫນ້າຜູ້ຕາງຫນ້າບັນດາອົງການສາກົນ ຢູ່ ຫວຽດນາມ ແລະ ການນຳກະຊວງ, ຂະແຫນງການ ແລະ ທ້ອງຖິ່ນຕ່າງໆ. ກ່າວຄຳເຫັນນະພິທີສະເຫລີມສະຫລອງ, ທ່ານ ຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ໄດ້ເນັ້ນຫນັກວ່າ: ປີ 2015 ອາຊຽນ ມີຄວາມເອກອ້າງທະນົງໃຈຈະກາຍເປັນປະຊາຄົມທຳອິດໄດ້ຮັບການສ້າງຕັ້ງຂຶ້ນໃນພາກພື້ນ ອາຊີ. ທ່ານ ຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມເນັ້ນຫນັກວ່າ:
“ອາຊຽນ ໄດ້ນຳ ອາຊີຕາເວັນອອກສ່ຽງໃຕ້ ຈາກພາກພື້ນ ຖືກແບ່ງແຍກ ຍ້ອນການສູ້ຢັນ ແລະ ລະແວງສົງໃສ, ກາຍເປັນຈຸດເດັ່ນກ່ຽວກັບການຮ່ວມມື, ມິດຕະພາບ, ສາມັກຄີ ແລະ ໄວ້ເນື້ອເຊື່ອໃຈເຊິ່ງກັນ ແລະ ກັນ ພ້ອມກັນສູ້ຊົນ ເພື່ອຈຸດໝາຍລວມ ນັ້ນແມ່ນສັນຕິພາບ, ການຮ່ວມມື ແລະ ພັດທະນາ. ຄວາມໄວ້ເນື້ອເຊື່ອໃຈຕໍ່ກຳລັງແຮງຂອງຄວາມສາມັກຄີ ໄດ້ຊ່ວຍໃຫ້ພວກເຮົາຜ່ານຜ່າບັນດາຮົ້ວກີດຂວາງຂອງປະຫວັດສາດ ແລະ ຄວາມແຕກຕ່າງ ພ້ອມກັນດຳລົງຊີວິດຮ່ວມພາຍໃຕ້ຊາຍຄາລວມ ອາຊຽນ ແລະ ແບ່ງປັນຊາຕາກຳລວມ. ອາຊຽນ ໄດ້ ແລະ ພວມແມ່ນປັດໄຈສຳຄັນ ປະກອບສ່ວນຮັບປະກັນສັນຕິພາບ ແລະ ສະຖຽນລະພາບ, ຊຸກຍູ້ການຮ່ວມມື ແລະ ພັດທະນາຢູ່ພາກພື້ນ ອາຊີ- ປາຊີຟີກ.”
ຊື່ງແມ່ນສະມາຊິກຕັ້ງຫນ້າ, 20 ປີຜ່ານມາ ຫວຽດນາມ ໄດ້ປະກອບສ່ວນເຂົ້າໃນການສ້າງອາຊຽນ ຮ່ວມສຳພັນຢ່າງແຫນ້ນແຟ້ນ, ສາມັກຄີ ແລະ ເປັນເອກະພາບ, ສືບຕໍ່ສວມບົດບາດສູນກາງໃນໂຄງປະກອບພາກພື້ນທີ່ພວມສ້າງຂຶ້ນ. ຕາມ ຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ແລ້ວ, ໃນໄລຍະພັດທະນາໃຫມ່ຂອງອາຊຽນ, ຫວຽດນາມ ຕັດສິນໃຈສຸມໃສ່ບັນດາແຫລ່ງກຳລັງ, ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ ເພື່ອພ້ອມກັບບັນດາປະເທດສະມາຊິກສ້າງປະຊາຄົມອາຊຽນໃຫ້ນັບມື້ນັບເຂັ້ມແຂງ, ສາມັກຄີ, ເພີ່ມທະວີການຮ່ວມມືກັບບັນດາຄູ່ຮ່ວມມືເພື່ອພາກພື້ນ ອາຊີ ປາຊີຟີກ ສັນຕິພາບ, ສະຖຽນລະພາບ ແລະ ວັດທະນາຖາວອນ. ລັດຖະບານ ແລະ ປະຊາຊົນຫວຽດນາມ ຈະສືບຕໍ່ປະກອບສ່ວນສຳຄັນເຂົ້າໃນການພັດທະນາຂອງ ອາຊຽນ, ເພື່ອຜົນປະໂຫຍດແທດຈິງຂອງປະຊາຊົນທຸກລຸ້ນຄົນໃນປະຈຸບັນກໍຄືໃນອະນາຄົດ.