(vovworld) – ອາຊຽນ ຫາກໍປະກາດໂຄງການຮ່ວມມືໃໝ່ ເພື່ອແນໃສ່ເພີ່ມທະວີການສົມທົບກັນຢ່າງແໜ້ນແຟ້ນ ລະຫວ່າງໂຄງການຮ່ວມມື ອາຊີ-ອົດສະຕາລີ ກ່ຽວກັບຕ້ານການຄ້າມະນຸດ (AAPTIP) ກັບບັນດາປະເທດສະມາຊິກ ອາຊຽນ. ແຈ້ງການຂອງຄະນະເລຂາສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ) ໃນວັນທີ 6/7, ໃຫ້ຮູ້ວ່າ: ດ້ວຍມາດຕະການຖືຜູ້ຖືກເຄາະຮ້າຍເປັນໃຈກາງ, ອົດສະຕາລີ (ຄູ່ຮ່ວມມື, ຄູ່ເຈລະຈາຂອງ ອາຊຽນ) ໄດ້ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກອາຊຽນ ນັບແຕ່ປີ 2003 ໃນການເພີ່ມທະວີບັນດາລະບົບຍຸຕິທຳດ້ານຄະດີອາຍາ ເພື່ອແນໃສ່ຮັບມືກັບອາດຊະຍາກຳການຄ້າມະນຸດ. AAPTIP ໃຫ້ຄຳໝັ້ນສັນຍາວ່າ: ໃນຊຸມປີຈະມາເຖິງ ຈະເພີ່ມ ທະວີບັນດາວຽກງານລະອຽດກັບກຸ່ມເຈົ້າໜ້າທີ່ຂັ້ນສູງໃນການຕ້ານອາດຊະຍາກຳຂ້າມຊາດ (SOMTC), ກຸ່ມທີ່ເຮັດວຽກງານວິຊາສະເພາະ ແລະ ຫົວໜ້າທີ່ກ່ຽວຂ້ອງຂອງບັນດາປະເທດສະມາຊິກ ອາຊຽນ ກ່ຽວກັບການຕ້ານໄພການຄ້າມະນຸດ. AAPTIP ກໍໜູນຊ່ວຍບັນດາອົງການລະຫວ່າງຂະແໜງຄົ້ນຄ້ວາບັນດາຂົງເຂດໃໝ່ຂອງລະບົບໜູນຊ່ວຍຍຸຕິທຳໃຫ້ບັນດາຜູ້ຖືກເຄາະຮ້າຍຈາກໄພການຄ້າມະນຸດ ແລະ ການຂູດຮີດແຮງງານອົບພະຍົບ, ນັບທັງໃນບັນດາຂະແໜງອຸດສາຫະກຳຂຸດຄົ້ນສິນໃນນ້ຳຢ່າງລະອຽດ ແລະ ເລິກເຊິ່ງກ່ວາ.