(vovworld) - ກອງປະຊຸມຄັ້ງທີ 1 ຄະນະກຳມະການຄູ່ຮ່ວມມືພັດທະນາອາຊຽນ - ເຢຍລະມັນ (AG - DPC) ຖືກດຳເນີນຢູ່ສຳນັກງານຄະນະເລຂາອາຊຽນ ຢູ່ນະຄອນຫຼວງ ຈາກາກຕາ, ປະເທດອິນໂດເນເຊຍ ໃນວັນທີ 23/01. ທ່ານເອກອັກຄະລັດຖະທູດ ຫງວຽນແຮ່ງນຳ, ຫົວໜ້າຄະນະຜູ້ແທນຫວຽດນາມ ປະຈຳອາຊຽນ ເຂົ້າຮ່ວມກອງປະຊຸມ.
ທີ່ກອງປະຊຸມ, ຝ່າຍເຢຍລະມັນ ຢືນຢັນວ່າ, ເຢຍລະມັນ ຖືເປັນສຳຄັນການຮ່ວມມືກັບອາຊຽນ ແລະ ເນັ້ນໜັກວ່າ, ອາຊຽນ ໄດ້ສວມບົດບາດສຳຄັນໃນການຮັກສາຄວາມສະຖຽນລະພາບທາງດ້ານການເມືອງ ແລະ ເສດຖະກິດຂອງພາກພື້ຶ້ນ, ປາດຖະໜາຢາກເຂົ້າຮ່ວມເຂົ້າໃນບັນດາວິວັດທະນາການໂດຍອາຊຽນ ນຳພາຢ່າງເລິກເຊິ່ງ, ກວ້າງຂວາງກວ່າ. ເຢຍລະມັນ ກໍ່ໃຫ້ຄຳໝັ້ນສັນຍາສະໜັບສະໜູນອາຊຽນ ໃນວິວັດທະນາການຜັນຂະຫຍາຍວິໄສທັດອາຊຽນ 2015. ຜູ້ຕາງໜ້າບັນດາປະເທດອາຊຽນ ໄດ້ຕີລາຄາສູງການພົວພັນຮ່ວມມືຂອງ 2 ຝ່າຍໃນໄລຍະຜ່ານມາ, ກໍຄືບັນດາການໜູນຊ່ວຍຂອງເຢຍລະມັນ ທີ່ສະຫງວນໃຫ້ອາຊຽນ. 2 ຝ່າຍກໍ່ໄດ້ແລກປ່ຽນສະພາບການຂອງແຕ່ລະຝ່າຍ ແລະ ດຳເນີນການກວດກາຄືນໝາກຜົນການຮ່ວມມືໃນບັນດາຂົງເຂດໃນໄລຍະຜ່ານມາ.