(vovworld) – ວັນທີ 10/11, ທຳນຽບຂາວຖະແຫຼງວ່າ ອຳນາດການປົກຄອງປະທານາທິບໍດີ Barack Obama ໄດ້ປະຕິເສດຄຳຮຽກຮ້ອງຂອງສະມາຊິກສະພາແຫ່ງຊາດອາເມລິກາ ບາງທ່ານກ່ຽວກັບການພິຈາລະນາຄືນສັນຍາຄູ່ຮ່ວມມືຂ້າມປາຊີຟິກ (TPP), ພ້ອມທັງເນັ້ນໜັກວ່າ ທຸກຄວາມມານະພະຍາຍາມເພື່ອສົ່ງເສີມການເຈລະຈາກ່ຽວກັບສັນຍາ TPP ຄືນໃໝ່ ອາດຈະພາໄປເຖິງການລົບລ້າງສັນຍາປະຫວັດສາດນີ້. ນີ້ແມ່ນການກະທຳຊີ້ໃຫ້ເຫັນຄວາມຕັດສິນໃຈຂອງລັດຖະບານອາເມລິກາ ໃນຄວາມມານະພະຍາຍາມຊຸກຍູ້ສັນຍາ TPP.
ໂດຍມີທັດສະນະເຊັ່ນດຽວກັນກັບອຳນາດການປົກຄອງປະທານາທິບໍດີ Obama, ກ່າວຄຳເຫັນທີ່ການປະຊຸມຂ່າວຢູ່ນະຄອນຫຼວງໂຕກຽວ ໃນວັນດຽວກັນ, ທ່ານລັດຖະມົນຕີວ່າການກະຊວງເສດຖະກິດຍີ່ປຸ່ນ Akira Amari ກໍຖືວ່າ “ບໍ່ມີເລື່ອງເຈລະຈາຄືນຂໍ້ຕົກລົງ”. ທ່ານລັດຖະມົນຕີ Amari ເນັ້ນໜັກວ່າ, ບັນດາບັນຫາລ້ວນແຕ່ມີສ່ວນກ່ຽວຂ້ອງຢ່າງແໜ້ນແຟ້ນນຳກັນ ແລະ ທຸກປະເທດສະມາຊິກລ້ວນແຕ່ມີຄວາມສະເໝີພາບກ່ຽວກັບສິດສຳພັດບັນດາຕະຫຼາດ.