ຮັບປະກັນຄວາມປອດໄພໃຫ້ຄົນງານຫວຽດນາມພວມເຮັດວຽກຢຸ່ລີບີ
ຄົ
ນງານ 79 ຄົນໃນຈຳນວນ 500 ຄົນໂດຍບໍລິສັດ Sona ຄຸ້ມຄອງກັບເມືອ ຫວຽດນາມທາງການບິນ
(ພາບ: Hữu Việt/TTXVN)
(vovworld) – ຕໍ່ໜ້າສະພາບການສູ້ຮົບຢູ່ ລີບີ ພວມມີສັນຍານປິນຂັ້ນໄດ, ແຜ່ລາມອອກຢ່າງກ້ວາງຂວາງ, ພິເສດແມ່ນຢູ່ 2 ນະຄອນໃຫຍ່: Tripoli ແລະ Bengazi, ທ່ານ ຫງວຽນງອກກວີ່ງ, ຫົວໜ້າກົມຄຸ້ມຄອງຄົນງານຕ່າງປະເທດ (ກະຊວງແຮງງານ - ທະຫານເສຍອົງຄະ ແລະ ສັງຄົມຫວຽດນາມ), ໃຫ້ຮູ້ວ່າ: ກະຊວງພວມລາຍງານຕໍ່ລັດຖະບານກ່ຽວກັບວິທີການປົກປ້ອງຄວມປອດໄພໃຫ້ແກ່ຄົນງານ ຫວຽດນາມ ທີ່ພວມເຮັດວຽກຢູ່ ລີບີ. ຕາມທ່ານ ຫງວຽນງອກກວີ່ງແລ້ວ, ກະຊວງແຮງງານ - ທະຫານເສຍອົງຄະ ແລະ ສັງຄົມຮຽກຮ້ອງໃຫ້ບັນດາອົງການທີ່ກ່ຽວຂ້ອງຕິດຕາມສະພາບການ, ຖ້າເກີດກໍລະນີອັນຕະລາຍ, ຕ້ອງໃຫ້ຄົນງານອົບພະຍົບໃນທັນທີ. ປະຈຸບັນ, ມີຄົນງານ ຫວຽດນາມປະມານ 1.750 ຄົນ ພວມເຮັດວຽກຢູ່ ລີບີ, ໃນນັ້ນມີກ່ວາ 200 ຄົນພວມເຮັດວຽກຢູ່ນະຄອນ Tripoli ແລະ Bengazi.
ໃນຂະນະນັ້ນ, ຕາມທ່ານ ຫງວຽນດຶກນາມ, ຮອງຜູ້ອຳນວຍການບໍລິສັດສະໜອງແຫຼ່ງຊັບພະຍາກອນມະນຸດ Sona ແລ້ວ, ໃນຕອນຄຳ່ວັນທີ 29/7, ມີຄົນງານ 79 ຄົນໃນຈຳນວນ 500 ຄົນເຊິ່ງບໍລິສັດນີ້ຄຸ້ມຄອງກັບເມືອ ຫວຽດນາມທາງການບິນ. ຈຳນວນຄົນງານຍັງເຫຼືອຈະໄດ້ກັບເມືອ ຫວຽດນາມ ຫຼືຈະໄດ້ຮັບວຽກງານໃນກິດຈະກຳຕ່າງໆຂອງບໍລິສັດຢູ່ປະເທດອື່ນໆ (ຖ້າຫາກມີ).