ກອງປະຊຸມຕີລາຄາການສົມທົບກັນປະຕິບັດ
ວຽກງານສາສະໜາໃນ 6 ເດືອນຕົ້ນປີ 2015
(ພາບ: TTXVN)
(vovworld) - ກອງປະຊຸມຕີລາຄາການສົມທົບກັນປະຕິບັດວຽກງານສາສະໜາໃນ 6 ເດືອນຕົ້ນປີ 2015 ລະຫວ່າງຄະນະກຳມະການສູນກາງແນວໂຮມປະເທດຊາດຫວຽດນາມ ກັບບັນດາອົງການສະມາຊິກ ແລະ ບັນດາອົງການທີ່ກ່ຽວຂ້ອງຢູ່ສູນກາງ ໄດ້ດຳເນີນໃນຕອນເຊົ້າວັນທີ 28/7, ຢູ່ ຮ່າໂນ້ຍ. ໃນ 6 ເດືອນຜ່ານມາ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສົມທົບກັບບັນດາອົງການສະມາຊິກເຂົ້າຮ່ວມການເບິ່ງແບງດູແລ, ແກ້ໄຂຄວາມຮຽກຮ້ອງຕ້ອງການ, ຄວາມມຸ້ງມາດປາຖະໜາ, ຂໍ້ສະເໜີຂອງບັນດາອົງການຈັດຕັ້ງ, ສ່ວນບຸກຄົນ, ສາສະໜາ; ຍູ້ແຮງຂະບວນການແຂ່ງຂັນຮັກຊາດໃນເຂດທີ່ມີປະຊາຊົນເຊື່ອຖືສາສະໜາ... ກອງປະຊຸມໄດ້ເຫັນດີເປັນເອກະພາບ, ນັບແຕ່ນີ້ເຖິງທ້າຍປີ, ແນວໂຮມປະເທດຊາດ ຫວຽດນາມ, ບັນດາອົງການສະມາຊິກ ຈະສົມທົບກັນ, ເປັນເສນາທິການກໍ່ສ້າງແຜນງານຂອງກົມການເມືອງ ກ່ຽວກັບ “ເພີ່ມທະວີການຂົນຂວາຍ, ສາມັກຄີບັນດາສາສະໜາຢູ່ຫວຽດນາມ ໃນປະຈຸບັນ“, ສົມທົບກັນຜັນຂະຫຍາຍແຜນງານ “ປ່ຽນໃໝ່ວຽກງານສາສະໜາຂອງແນວໂຮມປະເທດຊາດຫວຽດນາມ“; ເພີ່ມທະວີການພົບປະ, ສົນທະນາ, ເຕົ້າໂຮມແນວຄິດຈິດໃຈ, ຄວາມມຸ້ງມາດປາຖະໜາອັນຊອບທຳຂອງປະຊາຊົນຜູ້ຖືສາສະໜາຕ່າງໆ ເພື່ອສ່ອງແສງ, ສະເໜີຕໍ່ພັກ, ລັດ; ຍູ້ແຮງຂະບວນການແຂ່ງຂັນຮັກຊາດໃນເຂດສາສະໜາ.