(vovworld) - ຕອນຄໍ່າວັນທີ 13/07, ຢູ່ຮ່າໂນ້ຍ, ລາຍການ “ທະນາຄານງົວ - ຮ່ວມແຮງຮ່ວມໃຈພ້ອມກັບປະຊາຊົນຢູ່ບັນດາເມືອງທຸກຍາກ, ຕາແສງຊາຍແດນກໍ່ສ້າງຊົນນະບົດໃໝ່” ເຊິ່ງສູນກາງສະພາກາແດງຫວຽດນາມ, ໂທລະພາບຫວຽດນາມ, ກອງບັນຊາການທະຫານປ້ອງກັນຊາຍແດນໄດ້ສົມທົບກັນຈັດຕັ້ງຂຶ້ນ. ພາຍຫຼັງກວ່າ 3 ເດືອນແຫ່ງການປຸກລະດົມ (ແຕ່ວັນທີ 06/04 – 12/07/2013), ລາຍການ “ທະນາຄານງົວ - ຮ່ວມແຮງຮ່ວມໃຈພ້ອມກັບປະຊາຊົນຢູ່ບັນດາເມືອງທຸກຍາກ, ຕາແສງຊາຍແດນກໍ່ສ້າງຊົນນະບົດໃໝ່” ໄດ້ຮັບການສະໜັບສະໜູນຕອບສະໜອງຈາກ 200 ກວ່າອົງການ, ສ່ວນບຸກຄົນຢູ່ພາຍໃນ ແລະ ຕ່າງປະເທດ ດ້ວຍຈຳນວນເງິນສະໜັບສະໜູນ, ໝັ້ນໝາຍຊ່ວຍເຫຼືອບັນລຸເກືອບ 70 ຕື້ດົງ.
ຮັບຮູ້ ແລະ ຕີລາຄາການປະກອບສ່ວນຂອງບັນດາອົງການ, ສ່ວນບຸກຄົນ ເຊິ່ງໄດ້ສະໜັບສະໜູນ, ຮ່ວມເດີນທາງພ້ອມກັບລາຍການ, ທ່ານຮອງນາຍົກລັດຖະມົນຕີຫວຽດນາມ ຫວູວັນນິງ, ເນັ້ນໜັກວ່າ.
“ສະພາກາແດງຫວຽດນາມ ດ້ວຍບົດບາດເປັນແກ່ນສານ, ສົມທົບກັບໂທລະພາບຫວຽດນາມ, ທະຫານປ້ອງກັນຊາຍແດນ ແລະ ບັນດາກຳລັງທີ່ກ່ຽວຂ້ອງ ຜັນຂະຫຍາຍລາຍການຢ່າງມີປະສິດທິຜົນ, ສົມກັບຄວາມໄວ້ເນື້ອເຊື່ອໃຈຂອງປະຊາຊົນທຸກຍາກ ແລະ ປະຊາຊົນໃນທົ່ວປະເທດ. ຂ້າພະເຈົ້າສະເໜີໃຫ້ບັນດາຫົວໜ່ວຍ, ອົງການສູນກາງ, ວິສາຫະກິດ, ສ່ວນບຸກຄົນທີ່ມີໃຈບູນໃຂກຸສົນ ຈົງເຂົ້າຮ່ວມບັນດາການເຄື່ອນໄຫວມະນຸດສະທຳ ແລະ ສະໜັບສະໜູນແຫຼ່ງຊັບພະຍາກອນ, ພັດທະນາທະນາຄານງົວ ທີ່ມີຄວາມໝາຍຫຼາຍຢ່າງຂອງສະພາກາແດງຫວຽດນາມ, ປະກອບສ່ວນພ້ອມກັບທົ່ວພັກ, ທົ່ວປວງຊົນ, ທົ່ວກອງທັບລົບລ້າງຄວາມອຶດຫິວຫຼຸດຜ່ອນທຸກຍາກ, ຮັກສາດ້ານປ້ອງກັນຊາດ, ປ້ອງກັນຄວາມສະຫງົບເຂດຊາຍແດນ ແລະ ກໍ່ສ້າງຊົນນະບົດໃໝ່, ຮ່ວມແຮງຮ່ວມໃຈປະຕິບັດວິວັດການປ່ຽນໃໝ່ຂອງປະເທດຊາດຢ່າງມີໄຊ”.
ກໍ່ທີ່ພິທີ, ທ່ານປະທານປະເທດຫວຽດນາມ ເຈືອງເຕີນຊາງ, ປະທານກິຕິມະສັກສະພາກາແດງຫວຽດນາມ ໄດ້ມອບງົວ 2.000 ໂຕ ໃຫ້ແກ່ 10 ເມືອງທຸກຍາກ.