ຮອງນາຍົກລັດຖະມົນຕີ Nguyen Xuan Phuc ແລະຄະນະຜູ້ແທນທີ່ມີຄຸນງາມຄວາມດີແຂວງດັກລັກ
(ພາບ: chinhphu.vn)
(vovworld) - ຕອນບ່າຍວັນທີ 20/9, ຢູ່ສຳນັກງານນາຍົກລັດຖະມົນຕີ, ທ່ານຮອງນາຍົກລັດຖະມົນຕີ Nguyen Xuan Phuc ໄດ້ໃຫ້ການຕ້ອນຮັບຄະນະຜູ້ແທນທີ່ມີຄຸນງາມຄວາມດີຕໍ່ການປະຕິວັດແຂວງດັກລັກ. ທ່ານ ຮອງນາຍົກລັດຖະມົນຕີ Nguyen Xuan Phuc ຢືນຢັນວ່າ: ພັກ, ລັດຍາມໃດກໍ່ຕີລາຄາສູງ ແລະ ຮູ້ບຸນຄຸນຕໍ່ການເສຍສະຫຼະ, ການປະກອບສ່ວນຂອງບັນດານັກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ອາດີດນັກຮົບ, ຄອບຄົວຜູ້ມີຄຸນງາມຄວາມດີຕໍ່ການປະຕິວັດ, ຕໍ່ພາລະກິດຕໍ່ສູ້ຍາດເອົາເອກະລາດ, ເສລີພາບຂອງປະເທດຊາດ. ຍາມໃດພັກ, ລັດກໍ່ເອົາໃຈໃສ່ ແລະ ຈະເຮັດຈົນສຸດຄວາມສາມາດຂອງຕົນ ເພື່ອຍົກສູງຊີວິດການເປັນຢູ່ທັງທາງດ້ານວັດຖຸ ແລະ ຈິດໃຈໃຫ້ແກ່ບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດໃນທົ່ວປະເທດເວົ້າລວມ ແລະ ໃນແຂວງດັກລັກ ເວົ້າສະເພາະ. ຕາມທ່ານຮອງນາຍົກລັດຖະມົນຕີແລ້ວ, ໃນໄລຍະຈະມາເຖິງ, ທາງທ້ອງຖີ່ນຄວນສືບຕໍ່ຍູ້ແຮງບັນດາການເຄື່ອນໄຫວສັງຄົມ, ຕອບບຸນແທນຄຸນ. ຄຽງຂ້າງນັ້ນ, ສືບຕໍ່ຍູ້ແຮງການພັດທະນາເສດຖະກິດທ້ອງຖີ່ນ, ກໍ່ສ້າງພື້ນຖານໂຄງລ່າງຮັບໃຊ້ຄວາມຮຽກຮ້ອງຕ້ອງການຂອງປະຊາຊົນ, ຍົກສູງລະດັບຄອງຊີບໃຫ້ແກ່ຜູ້ມີຄຸນງາມຄວາມດີເວົ້າສະເພາະ ແລະ ປະຊາຊົນທົ່ວແຂວງດັກລັກເວົ້າລວມ.