(vovworld) – ໃນເວລາເດືອບ 2 ວັນທີ່ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ 2015 ຢູ່ດາໂວດ, ປະເທດສະວິດ (22 – 23/01 – WEF Davos 2015) ຕາມຄຳເຊີນຂອງທ່ານປະທານ WEF, Klaus Schwab, ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິງ ໄດ້ກ່າວປາໄສ ແລະ ເຂົ້າຮ່ວມວາລະປຶກສາຫາລື 6 ຄັ້ງ, ໃນນັ້ນມີບັນດາຫົວຂ້ໍຄື “ໂຄງການດຳເນີນງານຄ້ຳປະກັນດ້ານສະບຽງອາຫານທົ່ວໂລກ”, “ກຳນົດບຸລິມະສິດໃຫ້ປີ 2015”, “ແງ່ຫວັງທີ່ຕັ້ງ - ພູມສາດການເມືອງ 2015”, “ໂຄງການດຳເນີນງານອາຊຽນ”. ຢູ່ນອກກອງປະຊຸມ, ທ່ານຮອງນາຍົກລັດຖະມົນຕີໄດ້ມີການພົບປະກັບການນຳບາງປະເທດຄື: ທ່ານຮອງປະທານາທິບໍດີສະວິດ, ທ່ານຮອງນາຍົກລັດຖະມົນຕີໄທ, ຜູ້ຕາງໜ້າການຄ້າອາເມລິກາ ແລະ ການນຳບາງກຸ່ມບໍລິສັດໃຫຍ່ຄື UPS, Heineken, Standatd- Charteted…
ໃນບັນດາການເຄື່ອນໄຫວດັ່ງກ່າວ, ທ່ານຮອງນາຍົກລັດດຖະມົນຕີ ຟ້າມບິ່ງມິງ ໄດ້ຍົກອອກການຟື້ນຟູດ້ານພື້ນຖານເສດຖະກິດຂອງຫວຽດນາມ ຢ່າງຕັ້ງໜ້າໃນປີຜ່ານມາ, ຈຸດສຸມແມ່ນການປະຕິຮູບ ແລະ ເຊື່ອມໂຍງເຂົ້າກັບສາກົນໃນໄລຍະຈະມາເຖິງ; ຢືນຢັນຄຳໝັ້ນສັນຍາຂອງລັດຖະບານຫວຽດນາມ ກ່ຽວກັບການປົວແປງສະພາບການລົງທຶນ; ເນັ້ນໜັກເຖິງບັນດາກາລະໂອກາດລົງທຶນ ພາຍຫຼັງສຳເລັດບັນດາສັນຍາການຄ້າເສລີ (FTA). ທີ່ບັນດາການເຈລະຈາກ່ຽວກັບອາຊຽນ, ແລະ ຄວາມສະຫງົບ - ການເມືອງ, ທ່ານຮອງນາຍົກລັດຖະມົນຕີ ໄດ້ເນັ້ນໜັກເຖິງບົດບາດ ແລະ ການປະກອບສ່ວນທີ່ມີໜ້າທີ່ຮັບຜິດຊອບຂອງຫວຽດນາມ ໃນອາຊຽນ ແລະ ພາກພື້ນ; ຢືນຢັນທັດສະນະ, ຫຼັກໝັ້ນສະເໝີຕົ້ນສະເໝີປາຍຂອງຫວຽດນາມ ແກ້ໄຂບັນຫາທະເລຕາເວັນອອກ ຜ່ານການເຈລະຈາສັນຕິພາບ, ບົນພື້ນຖານກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982. ບັນດາທັດສະນະດັ່ງກ່າວໄດ້ຮັບຄວາມເຫັນດີເຫັນພ້ອມຈາກຜູ້ແທນຫຼາຍທ່ານ.