ຕອນບ່າຍວັນທີ 19 ກໍລະກົດ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ມີການເຮັດວຽກກັບທ່ານລັດຖະມົນຕີການຕ່າງປະເທດ Retno Marsudi, ທ່ານລັດຖະມົນຕີກະຊວງການຄ້າ Enggartiasto Lukita. ທີ່ການເຮັດວຽກຄັ້ງຕ່າງໆ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຢືນຢັນ ການສ້າງຕັ້ງການພົວພັນຄູ່ຮ່ວມມືຍຸດທະສາດໃນປີ 2013 ໄດ້ເປີດໜ້າປະຫວັດສາດໃຫມ່, ນຳການພົວພັນ ຫວຽດນາມ - ອິນໂດເນເຊຍ ພັດທະນາທັງລວງກ້ວາງ ແລະ ລວງເລິກ. ທ່ານຮອງນາຍົກລັດຖະມົນຕີ ຫວັງວ່າ 2 ຝ່າຍສືບຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດ ຫວຽດນາມ - ອິນໂດເນເຊຍ ພັດທະນາຢ່າງເລິກເຊິ່ງ, ກ້ວາງຂວາງກ່ວາຜ່ານການເພີ່ມທະວີການແລກປ່ຽນການຢ້ຽມຢາມຂັ້ນສູງໃນໄລຍະຈະມາເຖິງກ່ວາອີກ. ທ່ານນາຍົກລັດຖະມົນຕີ ເວືອງດິ່ງເຫ້ວ ສະເໜີວ່າ 2 ຝ່າຍຕັ້ງໜ້າກະກຽມກອງປະຊຸມຄັ້ງທີ 7 ຄະນະກຳມະການປະສົມກ່ຽວກັບການຮ່ວມມືເສດຖະກິດ, ວິທະຍາສາດ ແລະ ເຕັກນິກ ໃນປີ 2017 ເພື່ອແລກປ່ຽນບັນດາມາດຕະການລະອຽດ, ໃນນັ້ນມີການວາງອອກມາດຕະການເພື່ອແນໃສ່ນຳວົງເງິນ 2 ສົ້ນບັນລຸ 10 ຕື້ USD ໃນປີ 2018 ໂດຍໄວ.