ຮອງນາຍົກລັດຖະມົນຕີຫວູວັນນີງເຮັດວຽກກັບນັກຮຽນຮູ້Havard
ທ່ານຮອງນາຍົກລັດຖະມົນຕີ ຫວຽດນາມ ຫວູວັນນີງ ເຮັດວຽກກັບບັນດານັກຮຽນຮູ້ອັນດັບໜຶ່ງຂອງມະຫາວິທະຍາໄລ Havard ຢູ່ນະຄອນ Boston
(ພາບ: Lê Dương/Vietnam+)
(vovworld) – ໂດຍສືບຕໍ່ການຢ້ຽມຢາມ ແລະ ເຮັດວຽກຢູ່ ອາເມລິກາ, ວັນທີ 18/9, ທ່ານຮອງນາຍົກລັດຖະມົນຕີ ຫວຽດນາມ ຫວູວັນນີງ ເຮັດວຽກກັບບັນດານັກຮຽນຮູ້ອັນດັບໜຶ່ງຂອງມະຫາວິທະຍາໄລ Havard ຢູ່ນະຄອນ Boston, ລັດ Massachussett. ທ່ານຮອງນາຍົກລັດຖະມົນຕີ ຫວູວັນນິງ ແລະ ບັນດານັກຮຽນຮູ້ມະຫາວິທະຍາໄລ Havard ແລກປ່ຽນກ່ຽວກັບສະພາບດ້ານການເມືອງໃນປະຈຸບັນຂອງ ອາເມລິກາ, ຕີລາຄາຍຸດທະສາດເຕີບໂຕເສດຖະກິດຂອງ ຫວຽດນາມ, ສົມທຽບບັນດາຜົນງານດ້ານເສດຖະກິດ ແລະ ບັນດາຄວາມແຕກຕ່າງກັນລະຫວ່າງບັນດາພື້ນຖານເສດຖະກິດມີລະດັບພັດທະນາຄືກັນຄື: ອິນເດຍ, ອິນໂດເນເຊຍ, ຈີນ ແລະ ບັນດາບົດຮຽນທີ່ຖອດຖອນມາໄດ້ໃຫ້ພື້ນຖານເສດຖະກິດຂອງ ຫວຽດນາມ. ບັນດານັກຮຽນຮູ້ລ້ວນແຕ່ຕີລາຄາສູງບັນດາຜົນສຳເລັດໃນການພັດທະນາເສດຖະກິດ, ສັງຄົມ, ກໍ່ຄືການເຊື່ອມໂຍງທົ່ວໂລກຂອງເສດຖະກິດ ຫວຽດນາມ ໃນຊຸມປີຕໍ່ໄປ, ພ້ອມທັງຫວັງວ່າ ຫວຽດນາມ ຈະສືບຕໍ່ຮັກສາທ່າເຕີບໂຕຕັ້ງໜ້າໃນຊຸມປີຈະມາເຖິງ. ບັນດານັກຮຽນຮູ້ຍົກໃຫ້ເຫັນການຕີລາຄາ ແລະ ຂໍ້ສະເໜີກັບທ່ານຮອງນາຍົກລັດຖະມົນຕີ ກ່ຽວກັບຍຸດທະສາດເຕີບໂຕຂອງ ຫວຽດນາມໃນໄລຍະຈະມາເຖິງ, ໃນນັ້ນສະເໜີໃຫ້ ຫວຽດນາມ ປັບປຸງລະບອບເສດຖະກິດດ້ວຍຈຸດສຸມແມ່ນປະຕິຮູບລັດວິສາຫະກິດ, ນະໂຍບາຍລົງ ທຶນແຫ່ງລັດ ແລະ ທະນາຄານ.