ຮອງປະທານສະພາແຫ່ງຊາດຕ່ອງທິຟ໋ອງຕ້ອນຮັບຜູ້ອຳນວຍການອົງການອະນາໄມໂລກ
ທ່ານນາງຮອງປະທານສະພາແຫ່ງຊາດ
ຕ່ອງທິຟ໋ອງ ຕ້ອນຮັບ ປອ, ດຣ Shin Young-soo
(ພາບ: ດີງນາມ)
(vovworld) - ຕອນບ່າຍວັນທີ 19/9, ຢູ່ ຮ່າໂນ້ຍ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໄດ້ໃຫ້ການຕ້ອນຮັບຄະນະຜູ້ແທນອົງການອະນາໄມໂລກ, ໂດຍ ປອ, ດຣ Shin Young-soo, ຜູ້ອຳນວຍການ ອົງການອະນາໄມໂລກ (WHO) ພາກພື້ນ ປາຊີຟິກ ຕາເວັນຕົກ ເປັນຫົວໜ້າຄະນະມາຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຕີລາຄາສູງບົດບາດຂອງອົງການອະນາໄມໂລກໃນການປະຕິບັດບັນດາລາຍການເຄື່ອນໄຫວການແພດ ຊ່ວຍນຳມາເຊິ່ງສຸຂະພາບ ແລະ ຄຸນນະພາບການດຳລົງຊີວິດທີ່ດີກວ່າໃຫ້ແກ່ຊາວ ຫວຽດນາມ ກໍ່ຄືໃນທົ່ວໂລກ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໃຫ້ຮູ້ວ່າ, ໄລຍະຈະມາເຖິງ, ສະພາແຫ່ງຊາດ ຫວຽດນາມ ຈະເພີ່ມທະວີຄຸນນະພາບການເຄື່ອນໄຫວນິຕິບັນຍັດ, ຕິດຕາມກວດກາ ແລະ ຕົກລົງບັນດາບັນຫາສຳຄັນຂອງປະເທດຊາດໃນຂົງເຂດສົ່ງເສີມສຸຂະພາບໃຫ້ປະຊາຊົນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ປາຖະໜາວ່າ, ອົງການອະນາໄມໂລກ ຈະໜູນຊ່ວຍ ຫວຽດນາມໃນການສະໜອງ ແລະ ອັບເດັດຂ່າວສານກ່ຽວກັບສຸຂະພາບຢູ່ໂລກ, ພາກພື້ນ ແລະ ຢູ່ຫວຽດນາມຢ່າງພາວະວິໄສ, ເພື່ອໃຫ້ລັດຖະບານ ຫວຽດນາມສາມາດເປັນເຈົ້າການຍົກອອກບັນດາມາດຕະການທີ່ເໝາະສົມ, ສົມທົບກັນຢ່າງແໜ້ນແຟ້ນກັບ ຫວຽດນາມ ໃນການຄວບຄຸມພະຍາດ ແລະ ຍົກສູງຄຸນນະພາບການສົ່ງເສີມສຸຂະພາບໃຫ້ປະຊາຊົນ.