ຮອບເຈລະຈາຄັ້ງທີ 18 ກ່ຽວກັບສັນຍາຄູ່ຮ່ວມມືຂ້າມປາຊີຝີກ
(ພາບ: vietnamplus.vn)
(vovworld) - ຮອບເຈລະຈາຄັ້ງທີ 18 ກ່ຽວກັບສັນຍາຄູ່ຮ່ວມມືຂ້າມປາຊີຝີກ (TPP) ທີ່ພວມດຳເນີນໄປຢູ່ມາເລເຊຍ ຍັງຄ້າງຄາກ່ຽວກັບ 5 ຫົວຂໍ້, ໃນນັ້ນສຳຄັນທີ່ສຸດແມ່ນການສຳພັດຕະຫຼາດ ຫຼື ລົບລ້າງພາສີອາກອນ. ນອກຈາກບັນຫານີ້, ບັນດາຮອບເຈລະຈາກໍຄ້າງຄາກ່ຽວກັບບັນດາບັນຫາຄື ສິດຊັບສິນທາງປັນຍາ, ສິ່ງແວດລ້ອມ, ແຮງງານ ແລະ ການຄ້າເອເລັກໂຕນິກ. 11 ປະເທດເຂົ້າຮ່ວມຮອບເຈລະຈາ TPP ເຊິ່ງລວມມີ ອົດສຕາລີ, ບຣຸໄນ, ການາດາ, ຈີເລ, ມາເລເຊຍ, ເມກຊີໂກ, ນິວຊີແລນ, ເປຣຸ, ສິງກະໂປ, ອາເມລິກາ ແລະ ຫວຽດນາມ, ຄາດວ່າໄດ້ບັນລຸໄດ້ຄວາມເຫັນດີຢ່າງກວ້າງຂວາງກ່ຽວກັບ TPP ໃນເດືອນ 10 ຈະມາເຖິງ ແລະ ລົງນາມໃນສັນຍາໃນທ້າຍປີ 2013 ນີ້. ແຕ່ວ່າ, ສິ່ງຄ້າງຄາກ່ຽວກັບ 5 ບັນດາດັ່ງກ່າວ ແລະ ເລື່ອງຍີ່ປຸ່ນ ຄາດວ່າຈະເຂົ້າຮ່ວມບັນດາການເຈລະຈາແຕ່ວັນທີ 23/07 ຈະກໍ່ຄວາມຫຍຸ້ງຍາກໃຫ້ແກ່ບັນດາຝ່າຍທີ່ເຂົ້າຮ່ວມເພື່ອບັນລຸແຜນການທີ່ໄດ້ວາງອອກ.
ຖ້າຫາກໄດ້ຮັບການສ້າງຕັ້ງ, TPP ຈະກາຍເປັນໜຶ່ງໃນບັນດາເຂດການຄ້າໃຫຍ່ກວ່າໝູ່ໃນໂລກ, ດ້ວຍກວ່າ 790 ລ້ານຄົນ, ປະກອບ 40% ຍອດປະລິມານຜະລິດຕະພັນພາຍໃນ ຂອງໂລກ ແລະ 1/3 ວົງເງິນການຄ້າທົ່ວໂລກ. ພາຍຫຼັງໄດ້ຮັບການສ້າງຕັ້ງ, TPP ຈະໄດ້ເປີດກວ້າງຕາມແຕ່ລະໄລຍະ ເພື່ອຊຸກຍູ້ການເຊື່ອມໂຍງດ້ານເສດຖະກິດຢ່າງກວ້າງຂວາງກວ່າ, ມຸ່ງໄປເຖິງການສ້າງຕັ້ງເຂດການຄ້າເສລີ ອາຊີ - ປາຊີຝິກ.