ເກີດຝົນຕົກໜັກ, ນໍ້າຖ້ວມ ຢູ່ ອິນໂດເນເຊຍ, ອິນເດຍ ແລະ ຈີນ
(VOVWORLD) - ວັນທີ 14 ກໍລະກົດ, ວົງການເຈົ້າໜ້າທີ່ ອິນໂດເນເຊຍ ໃຫ້ຮູ້ວ່າ ມີຜູ້ເສຍຊີວິດຢ່າງໜ້ອຍສຸດ 15 ຄົນ ແລະ ຜູ້ຫາຍສາບສູນ 46 ຄົນ ພາຍຫຼັງເກີດນໍ້າແກ່ງໄຫຼຊູ ອັນໄດ້ເຮັດຂີ້ຕົມໄຫຼຖົ່ມເຮືອນປະຊາຊົນນັບຮ້ອຍຫຼັງ. ຄາດວ່າ ປະຊາຊົນ 2.000 ຄົນ ພວມຕ້ອງຫຼົບໄພຢູ່ເຂດພັກອາໄສຊົ່ວຄາວ.
 ສະພາບການນໍ້າຖ້ວມຢູ່ເຂດປົກຄອງດ້ວຍຕົນເອງຂອງຊາວເຜົ່າຈວາງ, ກວາງຊີ, ຈີນ ໃນວັນທີ 11 ກໍລະກົດ (ພາບ: TTXVN) |
|
ຢູ່ ອິນເດຍ, ເກີດມີຝົນຕົກຢ່າງຕໍ່ເນື່ອງຢູ່ລັດ Assam, ທາງພາກຕາເວັນອອກສ່ຽງເໜືອຂອງປະເທດນີ້, ອັນໄດ້ເຮັດໃຫ້ເກີດນໍ້າຖ້ວມຢູ່ເຂດນີ້ ນັບມື້ນັບຮ້າຍແຮງຂຶ້ນຕື່ມ. ຕາມການສະຖິຕິແລ້ວ, ມີປະຊາຊົນປະມານ 2,2 ລ້ານຄົນ ຖືກຜົນສະທ້ອນ ຈາກໄພນໍ້າຖ້ວມຢູ່ເມືອງ 22 ແຫ່ງ. ຄາດວ່າຈະມີໝູ່ບ້ານ 763 ແຫ່ງ ຖືກຈົມນໍ້າ, ເນື້ອທີ່ດິນກະສິກໍາກວ່າ 100.000 ເຮັກຕາ ກໍຖືກຈົມນໍ້າເຊັ່ນດຽວກັນ. ອຸປະຕິເຫດຄັ້ງຕ່າງໆທີ່ກ່ຽວຂ້ອງເຖິງໄພນໍ້າຖ້ວມໄດ້ເຮັດໃຫ້ປະຊາຊົນ 6 ຄົນຖືກເສຍຊີວິດໃນວັນທີ 13 ກໍລະກົດ.
ໃນຂະນະນັ້ນ, ຢູ່ ຈີນ, ສູນອຸຕຸນິຍົມແຫ່ງຊາດ (NMC) ໃນວັນທີ 14 ກໍລະກົດ ໄດ້ອອກຄໍາກ່າວເຕືອນສີຂຽວ (ເຊິ່ງເປັນລະດັບຕໍ່າສຸດໃນຂັ້ນຈັດລະດັບກ່າວເຕືອນ) ສໍາລັບລະດັບຝົນຕົກໜັກ, ໃນສະພາບທີ່ເກີດມີຝົນຕົກໜັກເປັນວົງກວ້າງບໍ່ຢຸດບໍ່ເຊົາຢູ່ເຂດຕ່າງໆໃນທົ່ວປະເທດ.