ເຊີດຊູນັກທຸລະກິດ,ວິສາຫະກິດດີເດັ່ນຂອງອາຊຽນ
ພີທີເຊີດຊູນັກທຸລະກິດ,ວິສາຫະກິດດີເດັ່ນຂອງອາຊຽນ
|
(vovworld)- ຕອນເຊົ້າວັນທີ 27/11 ຢູ່ ນະຄອນຫລວງ ບາງກອກ ປະເທດໄທ ໄດ້ເລີ່ມຕົ້ນບັນດາເຫດການຂອງລາຍການພົວພັນແລກປ່ຽນນັກທຸລະກິດ ວິສາຫະກິດ ອາຊຽນ ປີ 2015-(ACP 2015). ນີ້ແມ່ນບັນດາການເຄື່ອນໄຫວພົວພັນແລກປ່ຽນນັກທຸລະກິດ ວິສາຫະກິດບັນດາປະເທດສະມາຊິກ ອາຊຽນ ຊື່ງຖືກຈັດຂຶ້ນປະຈຳປີ ແລະ ໝູນວຽນ ຢູ່ ບັນດາປະເທດ ອາຊຽນ ນັບແຕ່ປີ 2014. ຄະນະຈັດຕັ້ງໄດ້ມອບລາງວັນ “ນັກທຸລະກິດ ວິສາຫະກິດດີເດັ່ນ ຂອງອາຊຽນ, ເຄື່ອງໝາຍການຄ້າໄດ້ຮັບຄວາມນິຍົມຂອງ ອາຊຽນ, ຜະລິດຕະພັນ - ບໍລິການທີ່ມີຄຸນນະພາບຂອງອາຊຽນ ແລະ ຈຸດນັດພົບໄດ້ຮັບຄວາມນິຍົມກວ່າໝູ່ຂອງອາຊຽນ. ມີ 73 ວິສາຫະກິດ ຍາດໄດ້ 94 ລາງວັນດັ່ງກ່າວ. ໃນຕອນບ່າຍວັນດຽວກັນ, ໄດ້ດຳເນີນກອງປະຊຸມສຳມະນາເຊື່ອມຕໍ່ດ້ານການຄ້າການລົງທຶນ ດ້ວຍຫົວຂໍ້ວ່າ: ປະຊາຄົມເສດຖະກິດ ອາຊຽນ - ກາລະໂອກາດ ແລະ ສິ່ງທ້າທາຍສຳລັບວິສາຫະກິດ ອາຊຽນ. ໃນວັນທີ 28/11, ລາຍການພົວພັນແລກປ່ຽນດັ່ງກ່າວສືບຕໍ່ບັນດາການເຄື່ອນໄຫວຄື: ໄປທັດສະນະສຶກສາ, ຊອກຮູ້ກາລະໂອກາດການລົງທຶນເຂົ້າບັນດາຂະແຫນງອຸດສາຫະກຳ, ບໍລິການຂອງໄທ.