(vovworld) – ໃນວັນທີ 22/8, ຢູ່ຮ່າໂນ້ຍ, ກະຊວງການຕ່າງປະເທດ ໄດ້ເປີດກອງປະຊຸມການທູດ ຄັ້ງທີ 29 ດ້ວຍຫົວຂໍ້ “ຍົກສູງປະສິດທິຜົນວຽກງານພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນ, ປະຕິບັດມະຕິຂອງກອງປະຊຸມໃຫຍ່ ຄັ້ງທີ 12 ຂອງພັກຢ່າງມີໄຊ”. ເຂົ້າຮ່ວມກອງປະຊຸມມີຜູ້ແທນ ກວ່າ 700 ຄົນ ເຊິ່ງແມ່ນບັນດາຫົວໜ້າອົງການຜູ້ຕາງໜ້າຫວຽດນາມ ຢູ່ຕ່າງປະເທດ, ພະນັກງານຫຼັກແຫຼ່ງຈາກບັນດາຫົວໜ່ວຍ ຂອງກະຊວງການຕ່າງປະເທດ, ພະນັກງານປະຕິບັດວຽກງານ ພົວພັນຕ່າງປະເທດ ຢູ່ບັນດາທ້ອງຖິ່ນ. ທ່ານ ຫງວຽນຟູ໋ຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເຂົ້າຮ່ວມ ແລະ ຊີ້ນຳກອງປະຊຸມ.
ກອງປະຊຸມການທູດ ຄັ້ງທີ 29 ໄດ້ສຸມໃສ່, ເສີມຂະຫຍາຍ ສະຕິປັນຍາ ແລະ ບົດຮຽນ ຂອງທົ່ວຂະແໜງສູງສຸດ ເພື່ອແລກປ່ຽນ, ຊອກຫາທິດທາງ, ມາດຕະການລະອຽດ ແນໃສ່ຊຸກຍູ້ບັນດາຜົນປະໂຫຍດຄວາມສະຫງົບປອດໄພ ແລະ ການພັດທະນາ, ຍົກສູງຖານະບົດບາດສາກົນ ຂອງປະເທດກວ່າເກົ່າ.
ກອງປະຊຸມການທູດ ຄັ້ງທີ 29 ຈະດຳເນີນເຖິງ ວັນທີ 26/8/2016.