(ພາບ: VGP/Hải Minh)
(vovworld) – ຕອນເຊົ້າວັນທີ 25/6, ໃນເຂດຊາຍແດນຫວຽດນາມ ແລະ ລາວ, ທ່ານຟ້າມບິງມິງ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ແລະ ທ່ານທອງລຸນສີສຸລິດ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ ໄດ້ເຂົ້າຮ່ວມ ແລະ ຕັດແຖບຜ້າເປີດດ່ານສາກົນລາໄລ (ກວາງຈິ-ຫວຽດນາມ)-ສາລະວັນ (ລາວ). ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິງມິງ ຢືນຢັນວ່າ: ເລື່ອງເປີດຄູ່ດ່ານສາກົນລາໄລ-ສາລະວັນ ແມ່ນເຫດການສຳຄັນ, ສະແດງໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ, ການຮ່ວມມືຍຸດທະສາດຮອບດ້ານທີ່ມີຊີວິດຊີວາລະຫວ່າງປະຊາຊົນສອງປະເທດຫວຽດນາມ-ລາວ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິງມິງ ເນັ້ນໜັກວ່າ:
“ດ່ານສາກົນລາໄລ-ສາລະວັນ ຈະປະກອບສ່ວນຊຸກຍູ້ການພັດທະນາໃຫ້ລະບົບ ດ່ານໃນທົ່ວເຂດຊາຍແດນຂອງສອງປະເທດ, ພ້ອມທັງເປີດບັນດາກາລະໂອກາດຮ່ວມມືໃໝ່ໃນດ້ານເສດຖະກິດ, ການລົງທຶນ ແລະ ການທ່ອງທ່ຽວລະຫວ່າງບັນດາແຂວງພາກກາງຫວຽດນາມ ກັບບັນດາແຂວງພາກກາງ, ພາກໃຕ້ຂອງລາວ. ການສ້າງດ່ານສາກົນນີ້ ຍັງປະກອບສ່ວນດຶງດູດການລົງທຶນຂອງສອງປະເທດ ແລະ ສາກົນເຂົ້າໃນພາກພື້ນນີ້, ສ້າງປະຖົມປັດໃຈໃຫ້ແກ່ການວາງແຜນຜັງລະບົບດ່ານຊາຍແດນສອງປະເທດສຳເລັດ, ໜູນຊ່ວຍການພັດທະນາຂອງແລວເສດຖະກິດຕາເວັນອອກ-ຕາເວັນຕົກ“.
ມາຮອດປະຈຸບັນ, ທົ່ວເຂດຊາຍແດນຫວຽດນາມ-ລາວ ມີລວງຍາວກ່ວາ 2000 ກມ ມີດ່ານຊາຍແດນສາກົນ 8 ດ່ານແລ້ວ ຊື່ງພວມໄດ້ປະກອບສ່ວນເຂົ້າໃນການພັດທະນາເສດຖະກິດສັງຄົມຢ່າງແທດຈິງ, ຮັກສາການປ້ອງກັນຊາດປ້ອງກັນຄວາມສະຫງົບ, ຕອບສະໜອງຄວາມຕ້ອງການພົບປະແລກປ່ຽນກໍ່ຄືການຮ່ວມມືດ້ານການຄ້າ, ການສົ່ງອອກນຳເຂົ້າລະຫວ່າງບັນດາແຂວງຊາຍແດນຂອງສອງປະເທດ, ເພື່ອການພັດທະນາ ແລະ ວັດທະນາຖາວອນຂອງປະຊາຊົນສອງປະເທດຫວຽດນາມ-ລາວ.
ໃນຕອນບ່າຍຂອງວັນທີ 24/6, ຢູ່ນະຄອນດົງຮ່າ ແຂວງກວາງຈິ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິງມິງ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວທອງລຸນ ສີສຸລິດ ໄດ້ມີການພົບປະເຈລະຈາ, ແລກປ່ຽນກ່ຽວກັບການພົວພັນສອງຝ່າຍ ແລະ ບາງບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ນາຍົກລັດຖະ ມົນຕີສອງທ່ານໄດ້ຕີລາຄາສູງຄວາມໝາຍສຳຄັນຂອງເລື່ອງສອງຝ່າຍໄດ້ມານະພະຍາຍາມສຳເລັດວຽກງານປັກລັກໝາຍຖີ່ ແລະ ຍົກລະດັບດ່ານສາກົນແຫ່ງຕ່າງໆ, ໃນນັ້ນມີດ່ານລາໄລ, ຕອບສະໜອງຜົນປະໂຫຍດຂອງລັດຖະບານ ແລະ ປະຊາຊົນສອງປະເທດ/.