(vovworld) - ທີ່ກອງປະຊຸມຜັນຂະຫຍາຍວຽກງານພັດທະນາປະກັນສຸຂະພາບໄລຍະ 2016 – 2020 ຖືກດຳເນີນໃນວັນທີ 29/06, ຢູ່ຮ່າໂນ້ຍ, ກະຊວງສາທາລະນະສຸກ ໄດ້ສົມທົບກັບອົງການປະກັນສັງຄົມຫວຽດນາມ ເປີດສະຫຼອງປະຕູຖານຂໍ້ມູນສາທາລະນະສຸກ ແລະ ລະບົບຂໍ້ມູນກວດກາປະກັນສຸຂະພາບ. ນີ້ແມ່ນບາດກ້າວບຸກທະລຸໃນວຽກງານຄຸ້ມຄອງ, ກວດ ປິ່ນປົວພະຍາດ, ສຸຂະພາບ ແລະ ຊຳລະປະກັນສຸຂະພາບ. ລະບົບຂໍ້ມູນກວດກາປະກັນສຸຂະພາບ ເຄື່ອນໄຫວຜ່ານເຄືອຂ່າຍອີນເຕີແນັດ, ສະໜອງບັນດາເຄື່ອງມືຊ່ວຍໃຫ້ຮາກຖານສາທາສະລະສຸກ ຂຸດຄົ້ນຂໍ້ມູນ, ກວດບັດປະກັນສຸຂະພາບ, ປະຫວັດການກວດ, ປິ່ນປົວພະຍາດຂອງຄົນເຈັບນຳໃຊ້ບັດປະກັນສຸຂະພາບ… ຊ່ວຍໃຫ້ການຊຳລະໃນການກວດ, ປິ່ນປົວພະຍາດຢ່າງທັນການ ແລະ ມີປະສິດທິຜົນກວ່າ. ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕຽນ ໃຫ້ຮູ້ວ່າ.
“ຕ້ອງເພີ່ມທະວິີການນຳໃຊ້ຂໍ້ມູນໃນການຄວບຄຸມການກວດ, ປິ່ນປົວພະຍາດ, ຊຳລະປະກັນສຸຂະພາບ. ປະຕິບັດການເຊື່ອມຕໍ່ຂໍ້ມູນຂ່າວກວດກາຊຳລະປະກັນສຸຂະພາບກ່ອນປີ 2016 ຕາມຄຳຊີ້ນຳຂອງລັດຖະບານ. ຂ້າພະເຈົ້າສະເໜີໃຫ້ຄະນະກຳມະການປະຊາຊົນທຸກແຂວງ ກໍຄືພະແນກສາທາລະນະສຸກ ຊີ້ນຳບັນດາຮາກຖານກວດ, ປິ່ນປົວພະຍາດຕ້ອງມີການເຊື່ອມຕໍ່ໂດຍກົງຜ່ານເຄືອຂ່າຍອີນເຕີແນັດກັບອົງການປະກັນໄພ ດ້ວຍຕາຕະລາງ, ຕົວເລກສົ້ນອອກເຊິ່ງກະຊວງສາທາລະນະສຸກໄດ້ປະກາດ ຍິ່ງໄວກໍ່ຍິ່ງດີ.”
ວັນທີ 30/06, ປະຕູຖານຂໍ້ມູນສາທາລະນະສຸກເລີ່ມເຄື່ອນໄຫວຢ່າງເປັນທາງການ.