ເປັນຄັ້ງທຳອິດຫວຽດນາມມີປະມວນຂໍ້ກຳນົດການປະພຶດທີ່ມີສີວິໄລໃນການທ່ອງທ່ຽວ
.jpg)
(ພາບປະກອບອີນເຕີແນັດ)
(vovworld) - ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ໄດ້ປະກາດໃຊ້ປະມວນຂໍ້ກຳນົດການປະພຶດທີ່ມີຄວາມສີວິໄລໃນການທ່ອງທ່ຽວ. ນີ້ເປັນຄັ້ງທຳອິດທີ່ກະຊວງວັດທະນະທຳ, ກິລາ ແລະ ທ່ອງທ່ຽວປະກາດປະມວນຂໍ້ກຳນົດການປະພຶດທີ່ມີສີວິໄລໃນການທ່ອງທ່ຽວທົ່ວປະເທດ. ປະມວນຂໍ້ກຳນົດການປະພຶດທີ່ມີຄວາມສີວິໄລໃນການທ່ອງທ່ຽວລວມມີບັນດາຂໍ້ກຳນົດທີ່ມີຫຼັກສະນະມາດຕະຖານ, ປະກອບສ່ວນກຳນົດທິດການກະທຳ, ທ່າທີ, ຄວາມຊິນເຄີຍ, ວິທີການປະພຶດທີ່ມີຄວາມສີວິໄລຂອງອົງການຈັດຕັ້ງ ແລະ ສ່ວນບຸກຄົນ ເມື່ອເຂົ້າຮ່ວມບັນດາການທ່ອງທ່ຽວ. ປະມວນຂໍ້ກຳນົດມຸ່ງໄປເຖິງນັກທ່ອງທ່ຽວຊາວຫວຽດນາມ ໄປທ່ອງທ່ຽວຢູ່ພາຍໃນ ແລະ ຕ່າງປະເທດ; ນັກທ່ອງທ່ຽວຕ່າງປະເທດມາທ່ອງທ່ຽວຢູ່ຫວຽດນາມ; ບັນດາອົງການຈັດຕັ້ງ, ສ່ວນບຸກຄົນເຂົ້າຮ່ວມການເຄື່ອນໄຫວດຳເນີນທຸລະກິດດ້ານການທ່ອງທ່ຽວ…
ເລື່ອງປະກາດປະມວນຂໍ້ກຳກົດດັ່ງກ່າວແມ່ນສັນຍານທີ່ສະແດງໃຫ້ເຫັນຄວາມຕັດສິນໃຈຂອງທົ່ວຂະແໜງທ່ອງທ່ຽວ ກໍ່ຄືອຳນາດການປົກຄອງທ້ອງຖິ່ນຕ່າງໆ ໃນການປັບປຸງ, ຍົກສູງພາບພົດຂອງການທ່ອງທ່ຽວຫວຽດນາມ, ມຸ່ງໄປເຖິງການທ່ອງທ່ຽວທີ່ມີຄວາມສີວິໄລ, ສະໜິດສະໜົມ ແລະ ສ້າງຄວາມດຶງດູດ.