ເພີ່ມທະວີການພົວພັນມິດຕະພາບທີ່ເປັນມູນເຊື້ອຫວຽດນາມ-ລາວ
ທ່ານ ພັນຄຳ ວິພາວັນ ຮອງປະທານປະເທດ ລາວ
(ພາບສຳນັກຂ່າວສານຫວຽດນາມ)
(vovworld) - ວັນທີ 11/07 ຢູ່ສຳນັກງານປະທານປະເທດ, ທ່ານນາງຮອງປະທານປະເທດ ຫວຽດນາມ ດັ້ງທິງ້ອກທິງ ເປັນປະທານພິທີຕ້ອນຮັບທ່ານ ພັນຄຳ ວິພາວັນ ກຳມະການກົມການເມືອງ,ຜູ້ປະຈຳຄະນະເລຂາທິການສູນກາງພັກປະຊາຊົນປະຕິວັດ ລາວ, ຮອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນ (ສປປ) ລາວ ແລະ ຄະນະຜູ້ແທນຂັ້ນສູງ ລາວ ມາຢ້ຽມຢາມ ຫວຽດນາມ ຢ່າງເປັນທາງການ. ພາຍຫລັງພິທີຕ້ອນຮັບ, ທ່ານນາງຮອງປະທານປະເທດ ດັ້ງທິງ້ອກທິງ ພ້ອມກັບທ່ານຮອງປະທານປະເທດ ສປປ. ລາວ ພັນຄຳ ວິພາວັນ ແລະ ຄະນະຜູ້ແທນຂັ້ນສູງ ລາວ ເຂົ້າຢ້ຽມສຸສານປະທານ ໂຮ່ຈີມິນ ແລະ ວາງພວງມາລາຢູ່ອະນຸສາວະລີບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ.
ແລະໃນວັນດຽວກັນ, ທ່ານ ດິງເທຮີງ ກຳມະການກົມການເມືອງ, ຜູ້ປະຈຳຄະນະເລຂາທິການ ແລະ ທ່ານນາງຮອງປະທານປະເທດ ດັ້ງທິງ້ອກທິງ ມີການພົບປະເຈລະຈາກັບທ່ານຮອງປະທານປະເທດ ສປປ ລາວ ພັນຄຳ ວິພາວັນ.
ໂດຍໄດ້ຮັບຄຳເຊີນຂອງທ່ານພົນຕີ ວິໄລ ຫຼ້າຄຳຟອງ ເລຂາສູນກາງພັກປະຊາຊົນປະຕິວັດລາວ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນ ລາວ. ທ່ານພົນໂທ ເລືອງເກື່ອງ ເລຂາສູນກາງພັກກອມມູນິດ ຫວຽດນາມ, ກຳມະການປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ນຳໜ້າຄະນະພະນັກງານຂັ້ນສູງກອງທັບປະຊາຊົນ ຫວຽດນາມ ຢ້ຽມຢາມ ສປປ ລາວ ຢ່າງເປັນທາງການໃນລະຫວ່າງວັນທີ 11 – 14/07. ການຢ້ຽມຢາມແນໃສ່ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງປະຊາຊົນ ແລະ ກອງທັບ 2 ປະເທດ ຫວຽດນາມ - ລາວ.