ເພີ່ມທະວີການຮ່ວມມືທາງດ້ານເຕັກໂນໂລຢີຂໍ້ມູນຂ່າວສານຫວຽດນາມ-ຍີ່ປຸ່ນ
ທ່ານຫງວຽນແທ່ງຮືງ, ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ
(ພາບ: Minh Quyết/TTXVN)
|
(vovworld) – ຕອນເຊົ້າວັນທີ 26/10, ສະຫະສະມາຄົມຊອບແວ ແລະ ເຕັກໂນໂລຢີຂໍ້ມູນຂ່າວສານ ຫວຽດນາມ (VINASA) ແລະ ສະໂມສອນຮ່ວມມືເຕັກໂນໂລຢີຂໍ້ມູນຂ່າວສານ ຫວຽດນາມ - ຍີ່ປຸ່ນ (VJC) ໄດ້ສົມທົບກັນຈັດຕັ້ງວັນ ເຕັກໂນໂລຢີຂໍ້ມູນຂ່າວສານ ຫວຽດນາມ - ຍີ່ປຸ່ນ. ລາຍການມີຫົວຂໍ້ວ່າ “10 ປີແຫ່ງການຮ່ວມມື ຫວຽດນາມ - ຍີ່ປຸ່ນ - ຫວນຄືນອະດີດຕະການ, ມຸ່ງໄປເຖິງອະນາຄົດ: ການບໍລິການ ເຕັກໂນໂລປີຂໍ້ມູນຂ່າວສານ - ຜະລິດຕະພັນ ເຕັກໂນໂລຢີຂໍ້ມູນຂ່າວສານ ແລະ ເຕັກໂນໂລຢີໃໝ່”, ຊຶ່ງໄດ້ດຶງດູດວິສາຫະກິດ ເຕັກໂນໂລຢີຂໍ້ມູນຂ່າວສານ ຫວຽດນາມ ແລະ ຍີ່ປຸ່ນ ຮ້ອຍແຫ່ງເຂົ້າຮ່ວມ. ກ່າວຄຳເຫັນທີ່ພິທີ, ທ່ານຫງວຽນແທ່ງຮືງ, ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ໃຫ້ຮູ້ວ່າ: ການພົວພັນຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ ໄດ້ພັດທະນາຢ່າງແຮງ ແລະ ຮອບດ້ານບົນຈິດໃຈຮ່ວມມືຍຸດທະສາດເລິກເຊິ່ງ, ກ້ວາງຂວາງເພື່ອສັນຕິພາບ, ຄວາມວັດທະນາຖາວອນຢູ່ອາຊີ. ໃນຂົງເຂດ ເຕັກໂນໂລຢີຂໍ້ມູນຂ່າວສານ, ການພົວພັນລະຫວ່າງ 2 ປະເທດໄດ້ມີບາດກ້າວສຳຄັນ, 2 ຝ່າຍໄດ້ເຊັນຂໍ້ຕົກລົງຫຼາຍສະບັບກ່ຽວກັບຄວາມຖີຄວາມປອດໄພສື່ສານ, ໄປສະນີ, ບຳລຸງສ້າງແຫຼ່ງຊັບພະຍາກອນມະນຸດ… ໃນໄລຍະຈະມາເຖິງ, ຫວຽດນາມ ແລະ ຍີ່ປຸ່ນ ຈະເພີ່ມທະວີການພັດທະນາການຄ້າເອເລັກໂຕນິກ.