ພາບປະກອບ
(vovworld) – ວັນທີ 9/4, ເນື່ອງໃນໂອກາດບຸນປີໃໝ່ Chol Chnam Thmay ຂອງ ກຳປູເຈຍ, ຄະນະຜູ້ແທນການນຳແຂວງ ໄຕນິນ ໂດຍທ່ານ ຫວໍວັງພວງ, ເລຂາພັກແຂວງ, ນຳໜ້າໄດ້ໄປຢ້ຽມຢາມ, ອວຍພອນປີໃໝ່ອຳນາດການປົກຄອງ ແລະ ປະຊາຊົນແຂວງ Kam Pong Cham (ປະເທດ ກຳປູເຈຍ). ການນຳແຂວງ ໄຕນິນ ຢືນຢັນວ່າ: ໃນປີ 2013, 2 ແຂວງຈະສືບຕໍ່ຊຸກຍູ້ ແລະ ປະຕິບັດບັນດາໂຄງການຮ່ວມມືເຊິ່ງ 2 ຝ່າຍໄດ້ລົງນາມໃຫ້ດີກ່ວາອີກ, ພິເສດແມ່ນເສີມຂະຫຍາຍທ່າແຮງຂອງເຂດຊາຍແດນເພື່ອພ້ອມກັນຮ່ວມມື, ພັດທະນາທຸກດ້ານຢ່າງໝັ້ນຄົງ, ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນ 2 ເຂດຊາຍແດນແລກປ່ຽນຜະລິດຕະພັນກະເສດ, ສິນຄ້າ, ຢ້ຽມຢາມຍາດຕິພີ່ນ້ອງ, ພ້ອມກັນປະຕິບັດວຽກງານປັກຫຼັກໝານຊາຍແດນໃຫ້ຖືກຕາມແຜນການເຊິ່ງລັດຖະບານ 2 ປະເທດໄດ້ຕົກລົງນຳກັນ.
ກ່ອນໜ້ານັ້ນ, ວັນທີ 8/4, ຄະນະຜູ້ແທນແຂວງ ໄຕນິນ ກໍ່ໄດ້ໄປຢ້ຽມຢາມ, ອວຍພອນປີໃໝ່, ມອບຂອງຂວັນໃຫ້ການນຳ ແລະ ປະຊາຊົນແຂວງຕິດກັບຊາຍແດນ Svay Rieng.