ກະລັງສະໜັບສະໜູນລັກຖະບານຢູ່ພາກໃຕ້ລີບີ (ພາບ:THX/TTXVN)

ໃນຖະແຫຼງການທີ່ໄດ້ຍົກອອກມາ ພາຍຫຼັງການປຶກສາຫາລືກ່ຽວກັບສະພາບການ ລີບີ ຢູ່ນອກກອງປະຊຸມສຸດຍອດຂອງ ສະຫະພາບເອີລົບ (EU) ຢູ່ Brussels, ທ່ານນາງ Angela Merkel ນາຍົກລັດຖະມົນຕີ ເຢຍລະມັນ, ທ່ານ Emmanuel Macron ປະທານາທິບໍດີ ຝລັ່ງ ແລະ ທ່ານ Giuseppe Conte ນາຍົກລັດຖະມົນຕີອີຕາລີ ໄດ້ເນັ້ນໜັກວ່າ 3 ປະເທດພ້ອມແລ້ວທີ່ຈະຄິດໄລ່ຊັ່ງຊາ ການນຳໃຊ້ບັນດາມາດຕະການລົງໂທດ ຖ້າຫາກວ່າ ບັນດາການກະທຳລະເມີດຄຳສັ່ງຫ້າມຂົນສົ່ງທາງທະເລ, ທາງບົກ ຫຼື ທາງອາກາດ ສືບຕໍ່ໄດ້ດຳເນີນ, ພ້ອມທັງລໍຖ້າຜູ້ຕາງໜ້າຂັ້ນສູງຮັບຜິດຊອບນະໂຍບາຍຄວາມໝັ້ນຄົງ ແລະ ການພົວພັນທາງການຕ່າງປະເທດຂອງສະຫະພາບ ເອີລົບ (EU) ຍົກອອກຂໍ້ສະເໜີກ່ຽວກັບບັນຫານີ້.

ນີ້ແມ່ນຄັ້ງທຳອິດ 3 ປະເທດໃຫຍ່ຢູ່ເອີລົບ ໄດ້ນາບຂູ່ລົງໂທດ, ໃນສະພາບການເກີດຄວາມວິຕົກກັງວົນກ່ຽວກັບການເກີດສົງຄາມຢູ່ລີບີ, ໃນນັ້ນທ່ານ Antonio Guterres ເລຂາທິການໃຫຍ່ ສປຊ ໄດ້ເນັ້ນໜັກເຖິງການແຊກແຊງຂອງຕ່າງປະເທດເຂົ້າລີບີ ພວມຂຶ້ນເຖິງ “ລະດັບທີ່ຍບໍ່ເຄີຍມີ”.