(vovworld) – ເສດຖະກິດຫວຽດນນາມ ມີສັນຍານຟື້ນຟູ ແລະ ເຕີບໂຕຢ່າງໄວ, ນີ້ແມ່ນການຕີລາຄາສັງລວມຂອງທະນາຄານໂລກ (WB) ກ່ຽວກັບພື້ນຖານເສດຖະກິດຫວຽດນາມ ໃນບົດລາຍງານເຖິງສະພາບເສດຖະກິດ ທີ່ໄດ້ປະກາດໃນວັນທີ 03/12.
ທີ່ການປະກາດບົດລາຍງານໂດຍ WB ປະຈຳຫວຽດນາມ ຈັດຕັ້ງໃນຕອນເຊົ້າວັນທີ 03/12, ຢູ່ຮ່າໂຍ້ບ, ທ່ານ Sandeep Mahajan, ນັກຊ່ຽວຊານດ້ານເສດຖະກິດ, ຫົວໜ້າກຸ່ມລາຍງານ ສະຫຼຸບສະພາບເສດຖະກິດຂອງ WB ໃຫ້ຮູ້ວ່າ, ຕົວເລກເບື້ອງຕົ້ນຊີ້ໃຫ້ເຫັນວ່າ, ເສດຖະກິດຫວຍດນາມ ພວມຟື້ນຕົວຂຶ້ນ, ການເຕີບໂຕດ້ານເສດຖະກິດຂອງຫວຽດນາມ ຄາດວ່າຈະໄດ້ຮັບການປົ ວແປງຈາກລະດັບ 5,4% ໃນປີ 2013 ຂຶ້ນເຖິງ 5,6% ໃນປີ 2014. ດັດຊະນີເງິນເຟີ້ພື້ນຖານ ຫຼືບັນດາອັດຕາເງິນເຟີ້ອື່ນລ້ວນແຕ່ເປັນປົກກະຕິໃນປີ 2014. ສ່ວນປີ 2015, ການເຕີບໂຕຍັງຮັກສາໃນລະດັບ 5,6% ແລະ ອັດຕາເງິນເຟີ້ປະມານ 5%. ທ່ານ Sandeep Mahajan ໃຫ້ຮູ້ວ່າ.
“ເບິ່ງລວມແລ້ວ, ບັນດາເງື່ອນໄຂເສດຖະກິດໄດ້ຮັບການຮັບຮູ້ຍ້ອນປະຊາຄົມບັນດານັກລົງທຶນສາກົນ. ເງື່ອນໄຂເສດຖະກິດມະຫາພາກໄດ້ຮັບການພັດທະນາຢ່າງຕັ້ງໜ້າ ກໍ່ຊ່ວຍໃຫ້ຫວຽດນາມ ຍົກລະດັບໃນຕາຕະລາງຈັດອັນດັບ ກ່ຽວກັບຄວາມສ່ຽງແຫ່ງຊາດ. ຄຽງຂ້າງນັ້ນ, ຫວຽດນາມ ສືບຕໍ່ສະແດງບັນດາການເຄື່ອນໄຫວ ກໍ່ຄືບັນດາການປັບປຸງທີ່ມີລັກສະນະພາວະວິໄສສຳລັບບັນດານັກລົງທຶນໂດຍກົງຈາກຕ່າງປະເທດ”.
ສ່ວນທ່ານນາງ Victoria Kwakwa, ຜູ້ອຳນວຍການໃຫຍ່ WB ປະຈຳຫວຽດນາມ ຖືວ່າ.
“ລັດຖະບານກໍ່ຕ້ອງເອົາໃຈໃສ່ບໍ່ພຽງແຕ່ພັດທະນາການລົງທຶນໂດຍກົງຈາກຕ່າງປະເທດເທົ່ານັ້ນ ຫາກຍັງພັດທະນາການລົງທຶນພາຍໃນປະເທດອີກດ້ວຍ. ພວກເຮົາຕ້ອງມີການເຂົ້າຮ່ວມຂອງບັນດາວິສາຫະກິດພາຍໃນປະເທດ. ລັດຖະບານໄດ້ເອົາໃຈໃສ່ເຖິງວິສາຫະກິດພາກເອກະຊົນ, ໄດ້ມີບັນດາການໜູນຊ່ວຍວິສາຫະກິດພາກເອກະຊົນພາຍໃນປະເທດ”.