(vovworld) –ວັນທີ 22/9, ວິທະຍຸກະຈາຍສຽງຫວຽດນາມ ໄດ້ຈັດການພົບປະເຈລະຈາ “ເສີມຂະຫຍາຍບົດບາດຂອງປະຊາຄົມຊາວຫວຽດນາມ ອາໃສຢູ່ຕ່າງປະເທດໃນການສ້າງກຸ່ມກ້ອນມະຫາສາມັກຄີຊົນຊາດ“. ກ່າວຄຳເຫັນນະທີ່ນີ້, ທ່ານຫງວຽນລາມ, ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໃຫ້ຮູ້ວ່າ: ປະຈຸບັນ, ມີຊາວຫວຽດນາມ ອາໃສຢູ່ຕ່າງປະເທດກ່ວາ 4,5 ລ້ານຄົນພວມດຳລົງຊີວິດ ແລະ ເຮັດວຽກຢູ່ຕ່າງປະເທດ. ທ່ານຕີລາຄາສູງນ້ຳໃຈຮັກຊາດກໍ່ຄືການປະກອບສ່ວນອັນໃຫ່ຍຫຼວງຂອງຊາວຫວຽດນາມອາໃສຢູ່ຕ່າງປະເທດໃນທຸກຂົງເຂດຂອງຊີວິດສັງຄົມ. ໃນໄລຍະຈະມາເຖິງ, ແນວໂຮມປະເທດຊາດຫວຽດນາມ ຈະຜັນຂະຫຍາຍຫຼາຍລາຍການມຸ່ງໄປເຖິງປະຊາຄົມຊາວຫວຽດນາມ ທີ່ດຳລົງຊີວິດໄກຈາກປະເທດຊາດ ເພື່ອໃຫ້ເຂົາເຈົ້າມີຊີວິດການເປັນຢູ່ເປັນປົກກະຕິ, ເຊື່ອມຕົວເຂົ້າກັບປະເທດທີ່ຕົນອາໄສ, ຮັກສາສີສັນຊາດ ແລະ ອ່ວາຍເມືອຫາປະເທດ.
ທ່ານຕ່າຍເຟືອງ, ຊາວຫວຽດນາມ ອາໃສຢູ່ອາເມລິກາ, ກຳມະການຄະນະກຳມະການສູນກາງແນວໂຮມປະເທດຊາດຫວຽດນາມ, ຮອງປະທານສະມາຄົມຕິດຕໍ່ພົວພັນ ຊາວຫາຍຟ່ອງ ອາໃສຢູ່ຕ່າງປະເທດ ໃຫ້ຮູ້ວ່າ:
“ແນວໂຮມປະເທດຊາດຫວຽດນາມ ໄດ້ເອົາໃຈໃສ່ຕໍ່ບັນດາໂຄງການປະຕິບັດງານຂອງປະຊາຄົມຊາວຫວຽດນາມ ອາໃສຢູ່ຕ່າງປະເທດ. ຈາກນັ້ນ, ສະມາຄົມຕິດຕໍ່ພົວພັນ ຊາວຫາຍຟ່ອງ ອາໃສຢູ່ຕ່າງປະເທດ ໄດ້ມີການພັດທະນາເປັນຢ່າງດີ. ຊາວຫາຍຟ່ອງ ໄດ້ຕອບສະໜອງບັນດາຂະບວນການໂດຍ ແນວໂຮມປະເທດຊາດຫວຽດນາມ ປຸກລະດົມຢ່າງຕັ້ງໜ້າຄື: ຊ່ວຍເຫຼືອເດັກທຸກຍາກ, ກູ້ຊ່ວຍປະຊາຊົນຜູ້ປະສົບເຄາະຮ້າຍຈາກໄພທຳມະຊາດ, ນ້ຳຖ້ວມ ແລະ ຫວ່າງມໍ່ໆມານີ້ແມ່ນລາຍການມຸ່ງໄປສູ່ທະເລຕາເວັນອອກ“./.