(ທ່ານ ຫງວຽນແມ້ງຮຸ່ງ ເອກອັກຄະລັດຖະທູດ
ຫວຽດນາມ ປະຈຳ ລາວ)
(vovworld) – ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນຊາດ ສປປ ລາວ (2/12/1975 – 2/12/2015), ວັນທີ 25/11, ທີ່ສຳນັກງານກະຊວງການຕ່າງປະເທດ ລາວ ຢູ່ນະຄອນຫລວງ ວຽງຈັນ, ທ່ານ ຫງວຽນແມ້ງຮຸ່ງ ເອກອັກຄະລັດຖະທູດ ຫວຽດນາມ ປະຈຳ ລາວ ໄດ້ໄປອວຍພອນການນຳກະຊວງການຕ່າງປະເທດ ລາວ. ທ່ານເອກອັກຄະລັດຖະທູດ ຫງວຽນແມ້ງຮຸ່ງ ເນັ້ນໜັກວ່າ: ການສະຖາປະນາລັດ ສປປ ລາວ ແມ່ນເຫດການມີຄວາມໝາຍປະຫວັດສາດ ບໍ່ພຽງແຕ່ສຳລັບປະຊາຊົນ ລາວ, ປະຊາຊົນ ຫວຽດນາມ ເທົ່ານັ້ນ ຫາກຍັງແມ່ນປະຊາຊົນຜູ້ກ້າວໜ້າໃນທົ່ວໂລກອີກດ້ວຍ. ນີ້ກໍແມ່ນໝາກຜົນແຫ່ງນ້ຳໃຈສາມັກຄີແບບພິເສດ, ສຳພັນທະມິດສູ້ຮົບຂອງ 2 ພັກ 2 ລັດ ຫວຽດນາມ - ລາວ ໃນພາລະກິດຕໍ່ສູ້ທ້ອນໂຮມປະເທດຊາດເປັນເອກະພາບ. ທ່ານເອກອັກຄະລັດຖະທູດ ເຊື່ອໝັ້ນວ່າ: ການພົວພັນລະຫວ່າງ 2 ປະເທດຈະສືບຕໍ່ພັດທະນາໃນໄລຍະຈະມາເຖິງ.