(vovworld) - ວັນທີ 05/12, ລັດຖະມົນຕີການເງິນຂອງ 19 ປະເທດທີ່ນຳໃຊ້ສະກູນເງິນລວມຂອງເອີໂລ (Eurogroup) ໄດ້ຈັດກອງປະຊຸມຢູ່ບຣຸກແຊນ ແລະ ເຫັນດີຮັບຮອງເອົາບາງມາດຕະການມີລັກສະນະໄລຍະສັ້ນ ແລະ ອາດຈະຖືກປະຕິບັດຢ່າງໄວ ເພື່ອແນໃສ່ແກ້ໄຂບັນຫາໜີ້ຂອງເກຼັກ, ໂດຍອີງຕາມຂໍ້ສະເໜີຂອງກົນໄກຮັກສາສະຖຽນລະພາບເອີລົບ (EMS). ຄາດວ່າ, ດ້ວຍບັນດາມາດຕະການໄດ້ຮັບການຮັບຮອງເອົາ, ໜີ້ຂອງເກຼັກ ອາດຈະຫຼຸດລົງເປັນຫຼາຍຕື້ເອີໂລ ແລະ ໄລຍະເວລາໃຊ້ໜີ້ຈະໄດ້ແກ່ຍາວຮອດປີ 2060. ໂຄງການ EMS ສະເໜີບໍ່ນຳໃຊ້ເລື່ອງເພີ່ມອັດຕາດອກເບ້ຍຂຶ້ນ 2% ນັບແຕ່ປີ 2017 ຕາມ 2 ແຜນການກ່ອນນີ້ສຳລັບໜີ້ສ່ວນໜຶ່ງ.
ປະຈຸບັນ, ໜີ້ສາທາລະນະຂອງເກຼັກ ພວມຢູ່ໃນລະດັບ 180% GDP ໂດຍບໍ່ຫົວຊາຕໍ່ 3 ໂຄງການໜູນຊ່ວຍດ້ານການເງິນຢ່າງຕໍ່ເນື່ອງຂອງສະຫະພາບເອີລົບ ແລະ ກອງທຶນເງິນຕາສາກົນ ເຊິ່ງໄດ້ຮັບການຜັນຂະຫຍາຍນັບແຕ່ປີ 2010.