ເອີລົບເກີດການແບ່ງແຍກກ່ຽວກັບການເປີດປະຕູຊາຍແດນໃຫ້ແກ່ບັນດາປະເທດທີ່ຍັງມີໂລກລະບາດໂຄວິດ-19
(VOVWORLD) -ພາຍຫຼັງການເຈລະຈາຄັ້ງຕ່າງໆທີ່ແກ່ຍາວໃນຫຼາຍມື້ຜ່ານມາ, ວັນທີ 26 ມິຖຸນາ, ບັນດານັກການທູດອີຢູ ຍັງບໍ່ທັນເປັນເອກະພາບກ່ຽວກັບມາດຖານ ເພື່ອເປີດປະຕູຊາຍແດນເອີລົບ ຄືນໃໝ່ ນັບແຕ່ວັນທີ 1 ກໍລະກົດຍ້ອນບາງປະເທດ ຍັງມີຄວາມວິຕົກກັງວົນຕໍ່ຄວາມຊັດເຈນກ່ຽວກັບຈຳນວນຜູ້ຕິດເຊື້ອພະຍາດ ທີ່ບາງປະເທດອື່ນໆປະກາດ.
(ພາບ: AFP/TTXVN)
|
ເຖິງແນວນັ້ນກໍ່ຕາມ, ເກັກ, ແອັດສະປາຍ, ຝະລັ່ງ ແລະ ບາງປະເທດເອີລົບອື່ນໆພັດຢາກປະຕູໃຫ້ແຂກທ່ອງທ່ຽວໃນສະພາບເສດຖະກິດພວມປະສົບກັບຄວາມຫຍຸ້ງຍາກ.
ກ່ອນໜ້ານັ້ນ, ນັບແຕ່ກາງເດືອນມີນາ, ບັນດາການເຄື່ອນໄຫວໄປມາບໍ່ຈຳເປັນຢູ່ອີຢູ ກໍ່ຖືກເກືອດຫ້າມ ແຕ່ຍ້ອນສະພາບໂລກລະບາດໄດ້ຫລຸດລົງແລ້ວ, ບັນດາປະເທດອີຢູ ຈຶ່ງຄາດວ່ານັບແຕ່ວັນທີ 1 ກໍລະກົດ, ຈະຄ່ອຍຍົກເລີກບັນດາມາດຕະການຈຳກັດການໄປມາ ເພື່ອແນໃສ່ສະກັດກັ້ນການແຜ່ລະບາດຂອງໂລກລະບາດໂຄວິດ-19.