(ພາບປະກອບ)
(vovworld) - ວັນທີ 23/02, ກົມການແພດສຳຮອງ (ກະຊວງສາທາລະນະສຸກ) ໃຫ້ຮູ້ວ່າ: ໂລກພະຍາດ Zika ອາດຈະແມ່ນລະບາດເຂົ້າ ຫວຽດນາມ ມາຮອດວັນທີ 18/02, ໄດ້ມີ 44 ປະເທດ ແລະ ເຂກແຄ້ວນໄດ້ປະກາດບັນດາກໍລະນີຖືກຕິດໄວຣັດ Zika. ພິເສດ, 2 ປະເທດບ້ານໃກ້ເຮືອນຄຽງຂອງ ຫວຽດນາມ ແມ່ນ ໄທ ແລະ ຈີນ ໄດ້ຮັບຮູ້ມີກໍລະນີຕິດໄວຣັດ. ແຕ່ລະອາທິດ ຫວຽດນາມ ມີຜູ້ໂດຍສານເກືອບ 400.000 ເທື່ອຄົນເຂົ້າອອກເມືອງ, ເພາະສະນັ້ນ ຫວຽດນາມ ຍາມໃດກໍ່ຕິດຕາມຜູ້ໂດຍສານຈາກບັນດາປະເທດ ແລະ ພາກພື້ນທີ່ພວມມີໂລກພະຍາດໂດຍໄວຣັດ Zika ກໍ່ຂຶ້ນຢ່າງແໜ້ນແຟ້ນ. ພ້ອມທັງ ຈັດຕັ້ງການຕິດຕາມກວດກາ, ຄວບຄຸມໂລກພະຍາດເປັນປະຈຳ; ໂຄສະນາເຜີຍແຜ່ຂໍ້ມູນຂ່າວກ່ຽວກັບການຄວບຄຸມໄວຣັດ Zika ສຳລັບແຂກທ່ອງທ່ຽວ; ຮັກສາໂທລະສັບສາຍດ່ວນ ເພື່ອຕິດຕໍ່ ແລະ ໃຫ້ຄຳປຶກສາກ່ຽວກັບການຄວບຄຸມພະຍາດ…ກົມການແພດສຳຮອງເນັ້ນໜັກວ່າ: ໃນໄລຍະຈະມາເຖິງ, ຂະແໜງສາທາລະນະສຸກສືບຕໍ່ເພີ່ມທະວີວຽກງານກວດກາ, ຕິດຕາມຢູ່ດ່ານຊາຍແດນ, ພິເສດ ແມ່ນເອົາໃຈໃສ່ເຖິງບັນດາການເຄື່ອນໄຫວຝຶກຊ້ອມ, ວິໄຈ ແລະ ປິ່ນປົວພະຍາດ.