ເຮັດໃຫ້ການພົວພັນສາມັກຄີແບບພິເສດຫວຽດນາມ-ລາວໃຫ້ເລິກເຊິ່ງກ່ວາອີກ
ທ່ານຫົວໜ້າຄະນະໂຄສະນາສຶກສາສູນກາງຫວໍວັນເຖືອງ
(ພາບອິນເຕີແນັດ)
(vovworld) – ຕອນບ່າຍວັນທີ 23/06 ທ່ານຫົວໜ້າຄະນະໂຄສະນາສຶກສາສູນກາງ ຫວຽດນາມ ຫວໍວັນເຖືອງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ທອງສະຫວັນ ພົມວິຫານ ເຂົ້າຢ້ຽມຢາມຂ່ຳນັບເນື່ອງໃນໂອກາດຮັບໜ້າທີ່ ການທູດຢູ່ ຫວຽດນາມ. ທີ່ການຕ້ອນຮັບ, ຫົວໜ້າຄະນະໂຄສະນາສຶກສາສູນກາງ ຫວຽດນາມ ຫວໍວັນເຖືອງ ປາດຖະໜາວ່າ ທ່ານເອກອັກຄະລັດຖະທູດ ທອງສະຫວັນ ພົມວິຫານ ຈະສືບຕໍ່ເປັນຂົວເຊື່ອມຕໍ່ສຳຄັນ ຊ່ວຍບັນດາຄະນະ, ກະຊວງ, ຂະແໜງການ, ທ້ອງຖິ່ນ 2 ປະເທດເພີ່ມທະວີການແລກປ່ຽນບັນດາບັນຫາທິດສະດີ ແລະ ພຶດຕິກຳຕົວຈິງ; ຍູ້ແຮງການໂຄສະນາ ແລະ ສຶກສາອົບຮົມກ່ຽວກັບມູນເຊື້ອການພົວພັນສາມັກຄີແບບພິເສດ ຫວຽດນາມ - ລາວ; ແບ່ງປັນຂໍ້ມູນຂ່າວສານ, ບົດຮຽນໃນວຽກງານໂຄສະນາສຶກສາ, ຮ່ວມມືຊ່ວຍເຫຼືອເຊິ່ງກັນ ແລະ ກັນໃນການຜັນຂະຫຍາຍການປະຕິບັດມະຕິກອງປະຊຸມໃຫຍ່ຂອງແຕ່ລະພັກຢ່າງມີໄຊ.
ສ່ວນທ່ານເອກອັກຄະລັດຖະທູດ ທອງສະຫວັນ ພົມວິຫານ ຢືນຢັນວ່າ: ຈະເຮັດຈົນສຸດຄວາມສາມາດຂອງຕົນ ເພື່ອນຳການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ໃຫ້ນັບມື້ນັບພັດທະນາຂຶ້ນສູ່ລະດັບສູງໃໝ່, ເພື່ອຜົນປະໂຫຍດຂອງປະຊາຊົນແຕ່ລະປະເທດ ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.