ທະເລແຄ໋ງຮ່ວາ
|
(vovworld) - ແຫຼ່ງຂ່າວຈາກກອງປະຊຸມລາຍງານສັງລວມສະພາບການ, ໝາກຜົນແຫ່ງການຜັນຂະຫຍາຍວຽກງານກະກຽມ, ສົມທົບກັນຈັດຕັ້ງບັນດາກອງປະຊຸມໃນຂອບເຂດເວທີປາໄສການຮ່ວມມື ອາຊີ - ປາຊີຟິກ (APEC) ຫວຽດນາມ 2017, ເຊິ່ງຈັດຕັ້ງຢູ່ນະຄອນ ຍາຈາງ, ແຂວງ ແຄ໋ງຮ່ວາ, ມາຮອດປະຈຸບັນ, ວຽກງານກະກຽມທຸກໆດ້ານໃຫ້ບັນດາກອງປະຊຸມ APEC ໄດ້ສຳເລັດໂດຍພື້ນຖານ. ແຂວງ ແຄ໋ງຮ່ວາ ໄດ້ເລືອກເຟັ້ນໂຮງແຮມ 5 ແຫ່ງເປັນສະຖານທີ່ຈະຈັດຕັ້ງກອງປະຊຸມຄັ້ງຕ່າງໆ, ສູນກອງປະຊຸມແຂວງກາຍເປັນສູນສື່ມວນຊົນ, ຜູ້ອາສາສະໝັກ 180 ຄົນໄດ້ຮັບການເລືອກເຟັ້ນ ແລະ ໄດ້ຜ່ານຊຸດຝຶກອົບຮົບຫຼາຍຄັ້ງເພື່ອຮັບໃຊ້ຜູ້ແທນ ແລະ ກອງປະຊຸມ. ເພື່ອໂຄສະນາກ່ຽວກັບທ້ອງຖິ່ນ, ແຂວງ ແຄ໋ງຮ່ວາໄດ້ຖ່າຍທຳບັນດາວີດີໂອ, ປື້ມ ແລະ ຈັດງານວາງສະແດງຮູບຖ່າຍເພື່ອແນະນຳກ່ຽວກັບຄວາມສາມາດບົ່ມຊ້ອນ, ທ່າແຮງດ້ານເສດຖະກິດ - ສັງຄົມຂອງທ້ອງຖິ່ນ, ຄວາມງາມດ້ານວັດທະນະທຳຂອງເຂດດິນແດນ ແລະ ປະຊາຊົນແຄ໋ງຮ່ວາ ຢູ່ບັນດາສະຖານທີ່ຈັດກອງປະຊຸມ. ໄປຄຽງຄູ່ກັນນັ້ນ, ແຂວງໄດ້ເລືອກເຟັ້ນສະຖານທີ່ທ່ອງທ່ຽວ 4 ແຫ່ງເພື່ອໃຫ້ບັນດາຜູ້ແທນໄປຢາມ. ນອກນັ້ນ, ແຂວງແຄ໋ງຮ່ວາ ກໍ່ໄດ້ກະກຽມຂອງຂວັນໃຫ້ບັນດາຜູ້ແທນເຊິ່ງແມ່ນບັນດາຜະລິດຕະພັນທີ່ເປັນເອກະລັກສະເພາະຂອງທ້ອງຖິ່ນ.