ປະທານສະພາສູງ ອາເມລິກາ ແລະ ທ່ານພົນໂທ ຫງວຽນຈີຫວີ້ງ ເຂົ້າຮ່ວມພິທີນຳລະບົບໃຊ້ພະລັງຄວາມຮ້ອນໂຄງການແກ້ໄຂ
ສິ່ງແວດລ້ອມຖືກມົນລະພິດເຂົ້າເຄື່ອນໄຫວ
|
(vovworld)-ໃນຂອບເຂດການຢ້ຽມຢາມຫວຽດນາມຂອງຄະນະສະມາຊິກສະພາແຫ່ງຊາດ ອາເມລິກາ, ຕອນເຊົ້າວັນທີ 19/4, ປະທານສະພາສູງ ອາເມລິກາ Patrich Leahy ແລະ ພົນໂທ ຫງວຽນຈີຫວິ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ພ້ອມກັນເຂົ້າຮ່ວມພິທີເລີ່ມນຳລະບົບໃຊ້ພະລັງຄວາມຮ້ອນຂອງໂຄງການແກ້ໄຂສິ່ງແວດລ້ອມຖືກມົນລະພິດດີໂອຊີນຢູ່ສະຫນາມບິນ ດາຫນັງເຂົ້າເຄື່ອນໄຫວ. ນີ້ແມ່ນໂຄງການໂດຍລັດຖະບານອາເມລິກາ ຊ່ວຍເຫລືອດ້ວຍຍອດລາຍຈ່າຍກວ່າ 84 ລ້ານ USD. ພົນໂທ ຫງວຽນຈີຫວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຢືນຢັນວ່າ:
“ກິດຈະກຳນີ້ມີຄວາມໝາຍພິເສດ. ຂ້າພະເຈົ້າຄິດວ່າ ຜົນສຳເລັດຂອງກິດຈະກຳນີ້ ບໍ່ພຽງແຕ່ແກ້ໄຂບັນດາຜົນຮ້າຍຢ້ອນຫລັງຈາກສົງຄາມເທົ່ານັ້ນ ຫາກເປີດຊ່ອງທາງເຖິງອະນາຄົດແຫ່ງການຮ່ວມມືອັນດີງາມລະຫວ່າງຫວຽດນາມ ແລະ ອາເມລິກາ ອີກດ້ວຍ.”