(vovworld)-ໃນມື້ທຳອິດຂອງກອງປະຊຸມນັດສາມັນດຳເນີນໄປໃນວັນທີ 10/10, ສະພາແຫ່ງຊາດ Venezuela ໄດ້ປຶກສາຫາລື ແລະ ຮັບຮອງເອົາມະຕິອາໄລຫາ ພົນເອກ ຫວໍງວຽນຢາບ. ມະຕິໄດ້ຢືນຢັນວ່າ: ສະພາແຫ່ງຊາດ ແລະ ປະຊາຊົນ Venezuela ສະແດງຄວາມນິຍົມນັບຖື ແລະ ເຊີດຊູ ພົນເອກ ຫວໍງວຽນຢາບ ພ້ອມທັງສົ່ງຄຳແບ່ງເບົາຄວາມເສົ້າສະຫລົດໃຈຢ່າງເລິກເຊິ່ງທີ່ສຸດມາຍັງຄອບຄົວພົນເອກ ຫວໍງວຽນຢາບ, ພັກກອມມູນິດ ແລະ ລັດຖະບານຫວຽດນາມ ພ້ອມກັບກຳລັງປະກອບອາວຸດ ແລະ ປະຊາຊົນຫວຽດນາມທັງໝົດ.
ທ່ານນາຍົກລັດຖະມົນຕີ ລາວ ທອງສິງ ທຳມະວົງ ນຳຫນ້າຄະນະຜູ້ແທນ ລັດຖະບານ ລາວ ມາສະຖານທູດຫວຽດນາມປະຈຳລາວ ເພື່ອວາງພວງມາລາ
ຕອນເຊົ້າວັນ 12/10, ທ່ານນາຍົກລັດຖະມົນຕີ ລາວ ທອງສິງ ທຳມະວົງ ນຳຫນ້າຄະນະຜູ້ແທນ ລັດຖະບານ ລາວ ມາສະຖານທູດຫວຽດນາມປະຈຳລາວ ເພື່ອວາງພວງມາລາ, ຖະຫວາຍທູບທຽນອາໄລຫາພົນເອກ ຫວໍງວຽນຢາບ. ທ່ານນາຍົກລັດຖະມົນຕີ ທອງສິງ ທຳມະວົງ ຂຽນໃນສະມຸດໄຫວ້ອາໄລສະແດງຄວາມໂສກເສົ້າເສຍດາຍຢ່າງສຸດຊື້ງຕໍ່ການເຖິງແກ່ມໍລະນະກຳຂອງພົນເອກ ຫວໍງວຽນຢາບ ຫນຶ່ງໃນບັນດາການນຳຂັ້ນສູງຂອງຫວຽດນາມ ຍາມໃດກໍມີຄວາມເອົາໃຈໃສ່, ເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບອັນຍິ່ງໃຫຍ່,ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ.
ຕອນເຊົ້າວັນທີ 12/10, ນາຍົກລັດຖະມົນຕີ Algeria, Abdelmalek Sella ມາໄຫວ້ອາໄລທ່ານພົນເອກ ຫວໍງວຽນຢາບ ຢູ່ສະຖານທູດຫວຽດນາມ ປະຈຳ Algeria.
ແລະກໍໃນຕອນເຊົ້າວັນດຽວກັນ, ສະຖານທູດຫວຽດນາມ ປະຈຳກຳປູເຈຍ ແລະ ສະຖານທູດ ຫວຽດນາມປະຈຳປັກກີງ ກໍໄດ້ຈັດພິທີໄຫວ້ອາໄລພົນເອກ ຫວໍງວຽນຢາບ ເຊັນດຽວກັນ.
ສະຖານທູດຫວຽດນາມ ປະຈຳ ອາເມລິກາ ໄຫວ້ອາໄລພົນເອກ ຫວໍງວຽນຢາບ
ຢູ່ວໍຊິງຕັນ ໃນວັນທີ 11-12/10, ສະຖານທູດຫວຽດນາມ ປະຈຳ ອາເມລິກາ ໄດ້ຈັດຕັ້ງການຕ້ອນຮັບຜູ້ຕາງຫນ້າອຳນາດການປົກຄອງ, ສະພາແຫ່ງຊາດອາເມລິກາ, ຄະນະຜູ້ແທນທູຕານຸທູດບັນດາປະເທດຢູ່ ນະຄອນຫລວງ ວໍຊິງຕັນ, ບັນດາອົງການຈັດຕັ້ງ, ຊາວຫວຽດນາມ ອາໄສຢູ່ ອາເມລິກາ ມາໄຫວ້ອາໄລພົນເອກ ຫວໍງວຽນຢາບ. ທ່ານ Scot Marciel ຮັກສາການຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ ຕາງຫນ້າໃຫ້ລັດຖະບານ ອາເມລິກາ ສະແດງຄວາມເສົ້າສະຫລົດໃຈ ແລະ ຢືນຢັນວ່າ: ພົນເອກ ຫວໍງວຽນຢາບ ແມ່ນບຸກຄົນ ແລະ ແມ່ນການນຳສຳຄັນ ”ຂອງປະຊາຊົນ ຫວຽດນາມ ແລະ ຜູ້ສະຫນັບສະຫນູນການໄກ່ເກຍ ແລະ ປັບປຸງການພົວພັນລະຫວ່າງຫວຽດນາມ ແລະ ອາເມລິກາ.
ການນຳບັນດາປະເທດ, ບັນດາພັກການເມືອງ ແລະ ເພື່ອນມິດສາກົນສືບຕໍ່ຝາກ ຈົດໝາຍ, ໂທລະເລກແບ່ງເບົາຄວາມເສົ້າສະຫຼົດໃຈ ມາຍັງພັກ, ລັດ, ສະພາແຫ່ງຊາດ ແລະ ປະຊາຊົນ ຫວຽດນາມ, ໃນນັ້ນມີໂທລະເລກຂອງນາຍົກລັດຖະມົນຕີ ອິນເດຍ, ປະທານາທິບໍດີ Mozambique, ປະທານຄະນະກຳມະການຜູ້ປະຈຳການກອງປະຊຸມປະຊາຊົນສູງສຸດ ສປປ ເກົາຫຼີ, ນາຍົກລັດຖະມົນຕີ ໄທ, ພັກຂະບວນການປະຊາຊົນປົດປ່ອຍ Angola, ພັກຂະບວນການປົດປ່ອຍປະຊາຊົນ ປາແລດສະຕິນ, ພັນທະມິດປະຕິວັດທົ່ວປະເທດ Goatemala, ພັກບັນດານັກກອມມູນິດ ອີຕາລີ, ພັກກອມມູນິດ ເກັຼກ, ກະຊວງການຕ່າງປະເທດ ສ ເກົາຫຼີ, ກະຊວງປ້ອງກັນປະເທດ ມົງກົນ, ສະຖາບັນມິດຕະພາບ ຈີເລ - ຫວຽດນາມ, ກະຊວງການຕ່າງປະເທດ ອີຕາລີ, ຄະນະກຳມະການສາມັກຄີ ຈີເລ - ປາແລດສະຕີນ.
ການນຳບັນດາປະເທດ, ບັນດາພັກການເມືອງ ແລະ ເພື່ອນມິດສາກົນສືບຕໍ່ຝາກເຖິງພັກ, ລັດ, ສະພາແຫ່ງຊາດ ແລະ ປະຊາຊົນ ຫວຽດນາມ ຈົດໝາຍ, ໂທລະເລກແບ່ງເບົາຄວາມເສົ້າສະຫຼົດໃຈກ່ຽວກັບເລື່ອງພົນເອກ ຫວໍ້ງວຽນຢາບ ເຖິງແກ່ມໍລະນະກຳ. ໃນນັ້ນມີໂທລະເລກຂອງນາຍົກລັດຖະມົນຕີ ອິນເດຍ, ປະທານາທິບໍດີ Mozambique, ປະທານຄະນະກຳມະການຜູ້ປະຈຳການກອງປະຊຸມປະຊາຊົນສູງສຸດ ສປປ ເກົາຫຼີ, ນາຍົກລັດຖະມົນຕີ ໄທ, ພັກຂະບວນການປະຊາຊົນປົດປ່ອຍ Angola, ພັກຂະບວນການປົດປ່ອຍປະຊາຊົນ ປາແລດສະຕິນ, ພັນທະມິດປະຕິວັດທົ່ວປວງປະເທດ Goatemala, ພັກບັນດານັກກອມມູນິດ ອີຕາລີ, ພັກກອມມູນິດ ເກັກ, ກະຊວງການຕ່າງປະເທດ ສ ເກົາຫຼີ, ກະຊວງປ້ອງກັນປະເທດ ມົນກົນ, ສະຖາບັນມິດຕະພາບ ຈີເລ - ຫວຽດນາມ, ກະຊວງການຕ່າງປະເທດ ອີຕາລີ, ຄະນະກຳມະການສາມັກຄີ ຈີເລ - ປາແລດສະຕີນ.
ການນຳພັກ, ສະພາແຫ່ງຊາດ, ລັດ, ລັດຖະບານ ຫວຽດນາມ ໄດ້ຮັບໂທລະເລກແບ່ງເບົາຄວາມເສົ້າສະຫລົດໃຈຫຼາຍສະບັບຈາກການນຳ ປະເທດຕ່າງໆ ແລະ ພັກການເມືອງໃນທົ່ວໂລກກ່ຽວກັບການເຖິງແກ່ມໍລະນະກຳຂອງພົນເອກ ຫວໍ້ງວຽນຢາບ. ໂທລະເລກສະບັບຕ່າງໆລ້ວນແຕ່ຕີລາຄາສູງການປະກອບສ່ວນຂອງພົນເອກ ຫວໍ້ງວຽນຢາບ ໃນພາລະກິດປະຕິວັດຂອງປະຊາຊົນ ຫວຽດນາມ ແລະ ຂະບວນການສັນຕິພາບໃນທົ່ວໂລກ. ໂທລະເລກຂອງທ່ານນາຍົກລັດຖະມົນຕີ ສ. ອິນເດຍ Mamoha Sinh ເນັ້ນໜັກວ່າ: “ໂດຍແມ່ນໜຶ່ງໃນບັນດາການນຳ ແລະ ຍຸດໂທບາຍການທະຫານຜູ້ຍິ່ງໃຫຍ່ຂອງ ຫວຽດນາມ, ການປະກອບສ່ວນຂອງພົນເອກ ຫວໍ້ງວຽນຢາບ ໃນການຕໍ່ສູ້ປົດປ່ອຍຊາດຈະສືບຕໍ່ແມ່ນແຫຼ່ງລະດົມກຳລັງໃຈໃຫ້ແກ່ ປະຊາຊົນໃນທົ່ວໂລກ”. ໂທລະເລກແບ່ງເບົາຄວາມເສົ້າສະຫຼົດໃຈຂອງພັກບັນດານັກກອມມູນິດ ອີຕາລີ ຂຽນວ່າ: “ພົນເອກແມ່ນໜຶ່ງໃນບັນດາບຸກຄົນທີ່ສວມບົດບາດນຳພາໃນປະຫວັດສາດຂອງ ສະຕະວັດທີ 20 ແລະ ແມ່ນສັນຍາລັກໃຫ້ແກ່ການຕໍ່ສູ້ຍາດເອົາເສລີພາບຂອງບັນດາຊາດໃນ ໂລກ”... ໃນຂະນະນັ້ນ, ໂທລະເລກແບ່ງເບົາຄວາມເສົ້າສະຫຼົດໃຈຂອງພັກແຮງງານ ແບນຊິກ ຢືນຢັນວ່າ: “ພົນເອກ ຫວໍ້ງວຽນຢາບ ຈະຍື່ນຍົງຄົງຕົວໃນຈິດໃຈຂອງກຳມະກອນ ແລະ ປະຊາຊົນທົ່ວໂລກຄືດັ່ງແບບຢ່າງກ່ຽວກັບນ້ຳໃຈອົງກາດກະຫານ ແລະ ເຈດຈຳນົງປະຕິວັດ. ແບບຢ່າງຂອງພົນເອກ ຫວໍ້ງວຽນຢາບ ຈະເປັນກຳລັງໜູນໃຫ້ແກ່ພວກເຮົາໃນການຕໍ່ສຸ້ຄັ້ງຕ່າງໆເພື່ອຄວາມ ສາມັກຄີຂອງຊົນຊັ້ນກຳມະກອນ ແລະ ປະຊາຊົນໃນທົ່ວໂລກ…”
ຈົດໝາຍ, ໂທລະເລກສະບັບຕ່າງໆລ້ວນແຕ່ສະແດງຄວາມເສົ້າສະຫຼົດໃຈ, ຄວາມເຄົາລົບນັບຖື ແລະ ຄວາມນິຍົມພົນເອກ ຫວໍ້ງວຽນຢາບ.